ಬೆಂಗಳೂರು: ಚುರುಕಿನ ಮೊಬೈಲ್ (ಸ್ಮಾರ್ಟ್ ಫೋನ್) ಮೂಲಕ ಒಬ್ಬರಿಗಿಂತ ಹೆಚ್ಚು ಮಂದಿ ವೀಡಿಯೊ ಸಂವಾದ (ಕಾನ್ಫರೆನ್ಸ್) ನಡೆಸಲು ಸಾಧ್ಯವಾಗುವಂಥ ತಂತ್ರಜ್ಞಾನವನ್ನು ಬೆಂಗಳೂರು ಮೂಲದ ಸಾಫ್ಟ್ವೇರ್ ಕಂಪೆನಿ ಇತಿಯಂ ಸಿಸ್ಟಮ್ಸ್ ಅಭಿವೃದ್ಧಿಪಡಿಸುತ್ತಿದೆ.
ಇನ್ನು ಆರು ತಿಂಗಳಲ್ಲಿ ಈ ತಂತ್ರಜ್ಞನವು ಮಾರುಕಟ್ಟೆಯಲ್ಲಿ ಲಭ್ಯವಾಗಲಿದೆ ಎಂದು ಇತಿಯಂ ಸಿಸ್ಟಮ್ಸ್ನ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಶ್ರೀನಿ ರಾಜಮ್ ಇಲ್ಲಿ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.
ಈ ಹಣಕಾಸು ವರ್ಷದ ಅಂತ್ಯದ ವೇಳೆಗೆ ಇತಿಯಂ ಸಾಫ್ಟ್ವೇರ್ಗಳನ್ನು ಹೊಂದಿರುವ ಅಂದಾಜು ಆರು ದಶಲಕ್ಷ ಸ್ಮಾರ್ಟ್ಫೋನ್ ಮತ್ತು ಟ್ಯಾಬ್ಲೆಟ್ಗಳು ಗ್ರಾಹಕರ ಕೈ ಸೇರಲಿವೆ ಎಂದರು.