ಬೆಳಗಾವಿ: ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯವು ಪ್ರತಿ ವರ್ಷ 10,000 ಎಂಜಿನಿಯರಿಂಗ್ ಪದವೀಧರರ ಕೌಶಲ ಅಭಿವೃದ್ಧಿಗಾಗಿ 'ಮಿಷನ್ ವಿಟಿಯು- ಎಂಪವರ್ 10,000' ಎಂಬ ಯೋಜನೆ ಕೈಗೆತ್ತಿಕೊಂಡಿದೆ. ಉದ್ಯಮ ಕ್ಷೇತ್ರದಲ್ಲಿ ಅಗತ್ಯ ಇರುವ ಕೌಶಲಗಳನ್ನು ವಿಟಿಯು ಯುವ ಎಂಜಿನಿಯರ್ ಗಳಲ್ಲಿ ಬೆಳೆಸುವ ಮೂಲಕ ವೃತ್ತಿ ಜೀವನದಲ್ಲಿ ಯಶಸ್ವಿಗೊಳಿಸುವುದು ಹಾಗೂ ಮುಂದಿನ ಪೀಳಿಗೆಯ 100 ಶೈಕ್ಷಣಿಕ ನಾಯಕರನ್ನು ರೂಪಿಸಿ, ಭವಿಷ್ಯದ ಎಂಜಿನಿಯರ್ಗಳಿಗೆ ಇವರು ಮಾದರಿಯಾಗುವಂತೆ ಮಾಡುವುದು ಈ ಯೋಜನೆಯ ಉದ್ದೇಶ.