ಲಂಕಾ ಡೈರಿ: ದ್ವೀಪ ರಾಷ್ಟ್ರ ಕುರಿತ ಬರಹ
ಶ್ರೀ ಲಂಕಾದ ಆರ್ಥಿಕ ಪರಿಸ್ಥಿತಿ ಈಗ ಹದಗೆಟ್ಟು ಅದರ ರೂಪಾಯಿ ಮೌಲ್ಯ ನೆಲಕಚ್ಚಿದೆ. ನಮ್ಮ ಒಂದು ರೂಪಾಯಿ ಅದರ ನಾಲ್ಕು ರೂಪಾಯಿಗೆ ಸಮ. ಸುದ್ದಿ ಚಾನೆಲ್ಗಳು ಶ್ರೀಲಂಕಾದಲ್ಲಿ ಒಂದು ಲೀಟರ್ ಹಾಲಿಗೆ 700 ರೂಪಾಯಿ, ಒಂದು ಕೆ.ಜಿ. ಅಕ್ಕಿಗೆ 500 ರೂಪಾಯಿ, ಒಂದು ಲೀಟರ್ ಪೆಟ್ರೋಲ್ಗೆ 350 ರೂಪಾಯಿ ಎಂದೆಲ್ಲಾ ಮಾಹಿತಿ ನೀಡುತ್ತಿದ್ದವು. ಶ್ರೀಲಂಕಾದಲ್ಲಿ ಎಲ್ಲೆಲ್ಲೂ ಪ್ರಕ್ಷುಬ್ಧ ವಾತಾವರಣವಿದ್ದು, ಕೊಲಂಬೊ ವಿಮಾನ ನಿಲ್ದಾಣ 13 ಗಂಟೆಗಳಿಂದ ವಿದ್ಯುತ್ ಇಲ್ಲದೆ ಕತ್ತಲಲ್ಲಿ ಮುಳುಗಿದೆ ಎಂಬ ಮಾಹಿತಿಯನ್ನೂ ಬಿತ್ತರಿಸುತ್ತಿದ್ದವು. ಇಂತಹ ಸುದ್ದಿಗಳ ಅಬ್ಬರದ ಮಧ್ಯೆ ಬೆಂಗಳೂರಿನಿಂದ 12 ಜನರಿದ್ದ ನಮ್ಮ ಗುಂಪು ಬಡಕಲು ಶ್ರೀಲಂಕಾ ಏರ್ಲೈನ್ಸ್ ವಿಮಾನದಲ್ಲಿ ಬೆಳಗಿನ 4.30ಕ್ಕೆ ಕೊಲಂಬೊ ನಿಲ್ದಾಣದಲ್ಲಿ ಇಳಿಯಿತು.Last Updated 23 ಏಪ್ರಿಲ್ 2022, 19:30 IST