ನವದೆಹಲಿ: ಸುಜುಕಿ ಮೋಟರ್ಸೈಕಲ್ ಇಂಡಿಯಾ ಕಂಪನಿಯು 250 ಸಿಸಿ ಸಾಮರ್ಥ್ಯದ ಹೊಸ ಸ್ಪೋರ್ಟ್ಸ್ ಅಡ್ವೆಂಚರ್ ಟೂರರ್ ‘ವಿ–ಸ್ಟ್ರಾಮ್ ಎಸ್ಎಕ್ಸ್’ ಬಿಡುಗಡೆ ಮಾಡಿದೆ. ದೆಹಲಿಯಲ್ಲಿ ಇದರ ಎಕ್ಸ್ ಷೋರೂಂ ಬೆಲೆ ₹ 2.11 ಲಕ್ಷ ಇದೆ.
ನಿತ್ಯದ ಬಳಕೆ, ದೂರದ ಪ್ರಯಾಣ ಮತ್ತು ಸಾಹಸಮಯ ಪ್ರಯಾಣಕ್ಕೆ ಇದು ಹೇಳಿ ಮಾಡಿಸಿದ್ದಾಗಿದೆ ಎಂದು ಕಂಪನಿಯು ಪ್ರಕಟಣೆಯಲ್ಲಿ ತಿಳಿಸಿದೆ.
ದೇಶದಾದ್ಯಂತ ಇರುವ ಸುಜುಕಿಯ ಎಲ್ಲಾ ಪ್ರೀಮಿಯಂ ವಿತರಣಾ ಕೇಂದ್ರಗಳಲ್ಲಿ ಈ ಮೋಟರ್ ಸೈಕಲ್ ಲಭ್ಯವಿರಲಿದೆ ಎಂದು ಹೇಳಿದೆ.