ಬೆಂಗಳೂರು: ಯುಲು ಇಂಡಿಯಾ ಕಂಪನಿಯು ದೇಶದ ಮಾರುಕಟ್ಟೆಗೆ ‘ವಿನ್‌’ ಎಂಬ ಎಲೆಕ್ಟ್ರಿಕ್‌ ದ್ವಿಚಕ್ರವಾಹನ ಬಿಡುಗಡೆ ಮಾಡಿದೆ. ಸೀಮಿತ ಅವಧಿಗೆ ಇದರ ಪರಿಚಯಾತ್ಮಕ ಬೆಲೆ ₹ 55,555 ಇದೆ. ಆ ಬಳಿಕ ಬೆಲೆಯು ₹59,999 ಆಗಲಿದೆ ಎಂದು ಕಂಪನಿ ಹೇಳಿದೆ.
ಸದ್ಯ ಬೆಂಗಳೂರಿನಲ್ಲಿ ಮಾತ್ರವೇ ಲಭ್ಯವಿದ್ದು, ಶೀಘ್ರವೇ ಬೇರೆ ನಗರಗಳಲ್ಲಿಯೂ ಲಭ್ಯವಾಗಲಿದೆ. ಟೆಸ್ಟ್‌ ಡ್ರೈವ್‌ ಅವಕಾಶವನ್ನೂ ಕಂಪನಿ ನೀಡಿದ್ದು ಜಾಲತಾಣದ ಮೂಲಕ ಆ ಬಗ್ಗೆ ಮಾಹಿತಿ ಪಡೆದುಕೊಳ್ಳಬಹುದು ಎಂದು ತಿಳಿಸಿದೆ.
ಯುಲು ಆ್ಯಪ್ ಅಥವಾ ಜಾಲತಾಣದ ಮೂಲಕ ₹ 999 ಪಾವತಿಸಿ ಬುಕಿಂಗ್ ಮಾಡಬಹುದು. ಮೇ ತಿಂಗಳ ಮಧ್ಯಭಾಗದಿಂದ ವಿತರಣೆ ಆರಂಭ ಆಗಲಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ. ಬಜಾಜ್ ಆಟೊ ಲಿಮಿಟೆಡ್‌ನ ಅಂಗಸಂಸ್ಥೆಯಾಗಿರುವ ಸಿಟಿಎಲ್‌, ಯುಲು ವಾಹನವನ್ನು ತಯಾರಿಸುತ್ತಿದೆ.
