ನವದೆಹಲಿ: ಹುಂಡೈ ಮೋಟರ್ ಇಂಡಿಯಾ ಕಂಪನಿಯು ಆರಂಭಿಕ ಶ್ರೇಣಿಯ ಎಸ್‌ಯುವಿ ಮಾರುಕಟ್ಟೆಗೆ ಲಗ್ಗೆ ಇಟ್ಟಿದೆ. ಕಂಪನಿಯು ಸೋಮವಾರ ‘ಎಕ್ಸ್‌ಟರ್‌’ ವಾಹನವನ್ನು ಬಿಡುಗಡೆ ಮಾಡಿದೆ. ಇದರ ಪರಿಚಯಾತ್ಮಕ ಬೆಲೆಯು ₹5.99 ಲಕ್ಷದಿಂದ ಆರಂಭವಾಗುತ್ತದೆ.
ಈ ಮಾದರಿಯು ಟಾಟಾ ಮೋಟರ್ಸ್‌ನ ‘ಪಂಚ್‌’ ಮಾದರಿಗೆ ಪೈಪೋಟಿ ನೀಡಲಿದೆ. ‘ಎಕ್ಸ್‌ಟರ್‌’ನಲ್ಲಿ 1.2 ಲೀಟರ್ ಸಾಮರ್ಥ್ಯದ ಪೆಟ್ರೋಲ್ ಎಂಜಿನ್ ಇದೆ. ಮ್ಯಾನುವಲ್‌ ಟ್ರಾನ್ಸ್‌ಮಿಷನ್ ಹಾಗೂ ಆಟೊಮ್ಯಾಟಿಕ್ ಟ್ರಾನ್ಸ್‌ಮಿಷನ್ ಆಯ್ಕೆಗಳಲ್ಲಿ ಇದು ಲಭ್ಯವಿದೆ.
ಮ್ಯಾನುವಲ್‌ ಟ್ರಾನ್ಸ್‌ಮಿಷನ್ ಮಾದರಿಯು ಲೀಟರ್‌ಗೆ 19.4 ಕಿ.ಮೀ., ಆಟೊಮ್ಯಾಟಿಕ್ ಟ್ರಾನ್ಸ್‌ಮಿಷನ್ ಮಾದರಿಯು 19.2 ಕಿ.ಮೀ. ಇಂಧನ ದಕ್ಷತೆಯನ್ನು ನೀಡುತ್ತದೆ. ಸಿಎನ್‌ಜಿ ಮಾದರಿಯು ಪ್ರತಿ ಕೆ.ಜಿ.ಗೆ 27.1 ಕಿ.ಮೀ. ದಕ್ಷತೆಯನ್ನು ಹೊಂದಿದ್ದು, ಇದಕ್ಕೆ ₹8.23 ಲಕ್ಷ ಬೆಲೆ ಇದೆ.
