ಮಂಗಳವಾರ, ಡಿಸೆಂಬರ್ 10, 2019
26 °C

ಬಾಂಬ್‌ ಬೆದರಿಕೆ: ಸಿಎನ್‌ಎನ್‌ ನೇರ ಪ್ರಸಾರ ತಾತ್ಕಾಲಿಕ ಸ್ಥಗಿತ

ಪಿಟಿಐ Updated:

ಅಕ್ಷರ ಗಾತ್ರ : | |

Deccan Herald

ನ್ಯೂಯಾರ್ಕ್‌: ದೂರವಾಣಿ ಕರೆ ಮೂಲಕ ಬಾಂಬ್‌ ಬೆದರಿಕೆ ಕರೆಬಂದ ತಕ್ಷಣ ನ್ಯೂಯಾರ್ಕ್‌ನ ಸಿಎನ್‌ಎನ್‌ ಕಚೇರಿಯಲ್ಲಿ ನಡೆಯುತ್ತಿದ್ದ ನೇರ ಪ್ರಸಾರ ಕಾರ್ಯಕ್ರಮವನ್ನು ಸ್ಥಗಿತಗೊಳಿಸಿ, ಅಲ್ಲಿದ್ದವರನ್ನು ಹೊರಕಳುಹಿಸಿದ ಘಟನೆ ಗುರುವಾರ ರಾತ್ರಿ ನಡೆದಿದೆ.

‘ಕಟ್ಟಡದ ಐದು ಉಪಕರಣಗಳಲ್ಲಿ ಬಾಂಬ್‌ ಇಡಲಾಗಿದೆ ಎಂದು ರಾತ್ರಿ 10.07 ನಿಮಿಷದ ವೇಳೆ ಬೆದರಿಕೆ ಹಾಕಲಾಗಿತ್ತು’ ಹಿರಿಯ ಅಧಿಕಾರಿಗಳು ತಿಳಿಸಿದ್ದಾರೆ.

ವಿಷಯ ತಿಳಿದ ತಕ್ಷಣನೇ ನ್ಯೂಸ್‌ರೂಂನ ಎಚ್ಚರಿಕೆಗ ಗಂಟೆ ಮೊಳಗಲಾರಂಭಿಸಿತು, ತಕ್ಷಣವೇ ಕಟ್ಟಡದಲ್ಲಿ ಇದ್ದ ಎಲ್ಲ ಸಿಬ್ಬಂದಿ ಹೊರಗೆ ತೆರಳಿದರು. ಸುಮಾರು ಅರ್ಧಗಂಟೆಗಳ ಕಾಲ ನೇರಪ್ರಸಾರ ಕಾರ್ಯಕ್ರಮವನ್ನು ಸ್ಥಗಿತಗೊಳಿಸಲಾಗಿತ್ತು. ಅಲ್ಲದೇ ಕಚೇರಿ ಸಮೀಪದಲ್ಲಿದ್ದ ಎಲ್ಲ ಅಂಗಡಿಮುಂಗಟ್ಟುಗಳನ್ನು ಮುಚ್ಚಲಾಗಿತ್ತು.

‘ಕಟ್ಟಡದ ಒಳಪ್ರವೇಶಿಸಿದ ಪೊಲೀಸರು, ಮೂಲೆಮೂಲೆಯಲ್ಲಿ ಹುಡುಕಾಟ ನಡೆಸಿದರು. ರಾತ್ರಿ 11.53ರ ತನಕವೂ ಶೋಧ ಕಾರ್ಯ ಮುಂದುವರೆಯಿತು. ಆದರೆ ಯಾವುದೇ ಸ್ಫೋಟಕ ಪತ್ತೆಯಾಗದ ಕಾರಣ ಚಟುವಟಿಕೆ ಎಂದಿನಂತೆ ಮುಂದುವರಿಯಿತು’ ಎಂದು ಸಿಎನ್‌ಎನ್‌ ಟ್ವಿಟರ್‌ ಖಾತೆ ತಿಳಿಸಿದೆ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು