ಮುಂಬೈ(ಪಿಟಿಐ): ದೇಶದ ವಿದೇಶಿ ವಿನಿಮಯ ಮಾರುಕಟ್ಟೆಯಲ್ಲಿ ರೂಪಾಯಿ ಮೌಲ್ಯ ಸತತ ಕುಸಿಯುತ್ತಲೇ ಇದೆ. ಇದೇ ತಿಂಗಳಲ್ಲಿ ಡಾಲರ್‌ ಎದುರಿನ ವಿನಿಮಯ ಮೌಲ್ಯದಲ್ಲಿ 64 ರೂಪಾಯಿಗಳ ಗಡಿಯನ್ನು ಎರಡನೇ ಬಾರಿಗೆ ದಾಟಿತು.
ಬುಧವಾರದ ವಹಿವಾಟಿನಲ್ಲಿ ಅಮೆರಿಕದ ಡಾಲರ್‌ ಎದುರು 3 ಪೈಸೆ ಬೆಲೆ ಕಳೆದುಕೊಂಡ ರೂಪಾಯಿ, ಒಂದು ಡಾಲರ್‌ಗೆ ₨64.01ರಂತೆ ವಿನಿಮಯಗೊಂಡಿತು. ದಿನದ ವಹಿವಾಟಿನ ಒಂದು ಹಂತದಲ್ಲಿ ₨64.06ರಷ್ಟು ಕೆಳಕ್ಕಿಳಿದಿತ್ತು. ಕಳೆದ ಮೂರು ದಿನಗಳಲ್ಲಿಯೇ ಡಾಲರ್‌ ಎದುರು ರೂಪಾಯಿ ಮೌಲ್ಯ ಒಟ್ಟು 49 ಪೈಸೆಗಳಷ್ಟು ನಷ್ಟ ಅನುಭವಿಸಿದೆ.
