ಶುಕ್ರವಾರ, ಫೆಬ್ರವರಿ 28, 2020
19 °C

ತಂದೆ ಅಗಲಿಕೆ ಸುದ್ದಿ ಕೇಳಿಯೂ ಬಜೆಟ್‌ ಮುದ್ರಣ ಕೆಲಸದಿಂದ ಕದಲದ ಕುಲದೀಪ್‌

ಏಜೆನ್ಸೀಸ್ Updated:

ಅಕ್ಷರ ಗಾತ್ರ : | |

prajavani

ಬಜೆಟ್‌ ಎಂದಾಕ್ಷಣ ಏನೆಲ್ಲ ಏರಿಕೆ, ಇಳಿಕೆ ಆಗುತ್ತದೆ ಎಂಬ ಬಗ್ಗೆಯೇ ಎಲ್ಲರ ಚಿತ್ತನೆಟ್ಟಿರುತ್ತದೆ. ದೇಶದ ಪ್ರಮುಖ ದಿನ ಎಂದೇ ಕರೆಸಿಕೊಳ್ಳುವ ಇದಕ್ಕೆ ಯಾವುದೇ ತೊಡಕು ಆಗಬಾರದೆಂದು ಸಾಕಷ್ಟು ಅಧಿಕಾರಿಗಳು ಕೆಲಸ ಮಾಡಿರುತ್ತಾರೆ. ಅಂತಹವರಲ್ಲಿ ವಿತ್ತ ಸಚಿವಾಲಯದಲ್ಲಿ ಕೆಲಸ ನಿರ್ವಹಿಸುತ್ತಿರುವ ಕುಲದೀಪ್‌ ಕುಮಾರ್ ಶರ್ಮಾ ಸಹ ಒಬ್ಬರು.

ಜನವರಿ 20ರಂದು ಹಲ್ವಾ ಸಮಾರಂಭದ ಮೂಲಕ ಬಜೆಟ್‌ ದಾಖಲೆಗಳ ಮುದ್ರಣ ಪ್ರಕ್ರಿಯೆಗೆ ಚಾಲನೆ ನೀಡಲಾಯಿತು. ಇದರ ಕೆಲಸಗಳನ್ನು ನಿರ್ವಹಿಸುತ್ತಿದ್ದ ಕುಲದೀಪ್‌ ಕುಮಾರ್ ಶರ್ಮಾ ಅವರ ತಂದೆ ಗಣರಾಜ್ಯೋತ್ಸವದಂದು (ಜ.26) ಮೃತಪಟ್ಟರು. ಆ ಸಮಯದಲ್ಲಿ ಬಜೆಟ್‌ ಕೆಲಸಗಳು ಭರದಿಂದ ಸಾಗುತ್ತಿತ್ತು. ಈ ಸುದ್ದಿ ಕೇಳಿದ ಬಳಿಕವೂ ಕುಲದೀಪ್‌ ಒಂದು ನಿಮಿಷ ಕೂಡ ತಮ್ಮ ಕಾರ್ಯಸ್ಥಾನದಿಂದ ಹೊರಬರಲಿಲ್ಲ. 

ಬಜೆಟ್ ದಾಖಲೆಗಳು ಬಹಳ ರಹಸ್ಯವಾದುದು. ಈ ದಾಖಲೆಗಳ ಗೋಪ್ಯತೆ ಕಾಪಾಡುವುದು ಅಧಿಕಾರಿಗಳ ಹೊಣೆಗಾರಿಕೆ. ಅಂತಹ ಮಹತ್ವದ ಜವಾಬ್ದಾರಿ ಹೊತ್ತಿದ್ದ ಮುದ್ರಣ ವಿಭಾಗದ ಉಪ ವ್ಯವಸ್ಥಾಪಕ ಕುಲದೀಪ್ ಕುಮಾರ್ ಶರ್ಮಾ ಕೆಲಸ ಪೂರ್ಣಗೊಳಿಸಿಯೇ ಮನೆಯತ್ತಾ ಸಾಗಿದರು. ದೇಶದ ಕೆಲಸ ಮೊದಲು ಎನ್ನುವ ಅವರ ಮನೋಭಾವವನ್ನು ಗುರುತಿಸಿ ವಿತ್ತ ಸಚಿವಾಲಯ ಶ್ಲಾಘನೆ ವ್ಯಕ್ತಪಡಿಸಿದೆ. 

ಮುದ್ರಣದಲ್ಲಿ 31 ವರ್ಷ ಅನುಭವ

ನಿಗದಿತ ಸಮಯದೊಳಗೆ ಬಜೆಟ್‌ ಪ್ರತಿಗಳ ಮುದ್ರಣ ಕೆಲಸವನ್ನು ಪೂರ್ಣಗೊಳಿಸಬೇಕು ಎನ್ನುವ ನಿಶ್ಚಯವನ್ನು ಕುಲದೀಪ್‌ ಹೊಂದಿದ್ದರು. ಇದಕ್ಕೆ ತಂದೆಯ ಅಗಲಿಕೆಯೂ ಅಡ್ಡಿಯಾಗಲಿಲ್ಲ. ಕುಲದೀಪ್‌ ಅವರಿಗೆ ಮುದ್ರಣ ಕೆಲಸದಲ್ಲಿ 31 ವರ್ಷಗಳ ಅನುಭವವಿದೆ. ದೇಶದ ಪ್ರಮುಖ ದಾಖಲೆ ಮುದ್ರಣವಾಗುವ ಸಮಯದಲ್ಲಿ ತಮ್ಮ ಹಾಜರಾತಿ ಹಾಗೂ ಸಚಿವಾಲಯದ ನಿಯಮಗಳ ಅರಿವು ಇದ್ದಿದ್ದರಿಂದ ಅವರು ಕೆಲಸಕ್ಕೆ ಪ್ರಾಮುಖ್ಯತೆ ನೀಡಿದರು.

ಬಜೆಟ್‌ ಮಂಡನೆಯಾಗುವವರೆಗೂ ಈ ಕೆಲಸಗಳಲ್ಲಿ ತೊಡಗಿಕೊಂಡವರು ತಮ್ಮ ಮನೆಯವರನ್ನಾಗಿ, ಸ್ನೇಹಿತರನ್ನಾಗಲಿ ಸಂಪರ್ಕಿಸುವ ಹಾಗಿಲ್ಲ. ಫೋನ್‌, ಇ–ಮೇಲ್‌ ಯಾವುದರ ಮೂಲಕವೂ ಸಂಭಾಷಣೆ ನಡೆಸುವುದಕ್ಕೆ ಅನುಮತಿಯಿರುವುದಿಲ್ಲ. ಬಜೆಟ್‌ಗೆ ಸಂಬಂಧಿಸಿದ ಯಾವುದೇ ಮಾಹಿತಿ ಸೋರಿಕೆಯಾಗಬಾರದು ಎಂದು ಈ ನಿಯಮಗಳನ್ನು ರೂಪಿಸಲಾಗಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು