ನವದೆಹಲಿ: ಅದಾನಿ ಸಮೂಹವು ತಾನು ಅಂಬುಜಾ ಸಿಮೆಂಟ್ಸ್ ಮತ್ತು ಎಸಿಸಿ ಕಂಪನಿಗಳಲ್ಲಿ ಹೊಂದಿರುವ ಅಷ್ಟೂ ಷೇರುಗಳನ್ನು (ಅಂದಾಜು ₹ 1.03 ಲಕ್ಷ ಕೋಟಿ ಮೌಲ್ಯ) ಡಾಯಿಚ್ ಬ್ಯಾಂಕ್ನ ಹಾಂಗ್ಕಾಂಗ್ ಶಾಖೆಯಲ್ಲಿ ಅಡ ಇರಿಸಿದೆ.
ಅಂಬುಜಾ ಸಿಮೆಂಟ್ಸ್ನಲ್ಲಿ ಅದಾನಿ ಸಮೂಹವು ಶೇಕಡ 63.15ರಷ್ಟು, ಎಸಿಸಿ ಕಂಪನಿಯಲ್ಲಿ ಶೇ 56.7ರಷ್ಟು ಷೇರುಗಳನ್ನು ಹೊಂದಿದೆ. ‘ಕೆಲವು ಸಾಲಗಾರರು ಹಾಗೂ ಇತರ ಹಣಕಾಸು ಸಂಸ್ಥೆ/ವ್ಯಕ್ತಿಗಳ ಪ್ರಯೋಜನಕ್ಕಾಗಿ ಹೀಗೆ ಮಾಡಲಾಗಿದೆ’ ಎಂದು ಸಮೂಹವು ಷೇರುಪೇಟೆಗೆ ನೀಡಿರುವ ಮಾಹಿತಿಯಲ್ಲಿ ತಿಳಿಸಿದೆ.
ಅಂಬುಜಾ ಸಿಮೆಂಟ್ಸ್ ಹಾಗೂ ಎಸಿಸಿ ಸ್ವಾಧೀನ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿರುವುದಾಗಿ ಅದಾನಿ ಸಮೂಹವು ಹಿಂದಿನ ವಾರ ತಿಳಿಸಿತ್ತು.