ಬೆಂಗಳೂರು: ಆಫ್ಟೆಕ್ ಮೋಟರ್ಸ್ ಇಂಡಿಯಾ ಕಂಪನಿಯು ವಿದ್ಯುತ್ ಚಾಲಿತ (ಇ.ವಿ.) ದ್ವಿಚಕ್ರ ವಾಹನಗಳನ್ನು ಮಾರುಕಟ್ಟೆಗೆ ತರಲು ಸಜ್ಜಾಗಿದೆ. ಎಲ್ಮೊ ಹೆಸರಿನ ಇ.ವಿ. ದ್ವಿಚಕ್ರ ವಾಹನವು ಶೀಘ್ರದಲ್ಲಿಯೇ ರಸ್ತೆಗಿಳಿಯಲಿದೆ.
ರಿಯಲ್ ಎಸ್ಟೇಟ್ ಉದ್ದಿಮೆಯಲ್ಲಿ ತೊಡಗಿಸಿಕೊಂಡಿರುವ ಆಫ್ಟೆಕ್ ಗ್ರೂಪ್‌ನ ಅಂಗಸಂಸ್ಥೆ ಆಫ್ಟೆಕ್ ಮೋಟರ್ಸ್ ಇಂಡಿಯಾ ಪ್ರೈ.ಲಿ. ಸವಾರರ ಸುರಕ್ಷತೆಯನ್ನು ಗಮನದಲ್ಲಿ ಇರಿಸಿಕೊಂಡು ಇ.ವಿ. ದ್ವಿಚಕ್ರ ವಾಹನ ವಿನ್ಯಾಸ ಮಾಡಲಾಗಿದೆ, ಇದು ಎಲ್ಲ ವಯಸ್ಸಿನವರಿಗೂ ಹೊಂದುವಂತಿದೆ ಎಂದು ಕಂಪನಿ ಹೇಳಿದೆ.
ಆಫ್ಟೆಕ್ ಮೋಟರ್ಸ್ ಕಂಪನಿಯು ಡೀಲರ್‌ಗಳ ಜಾಲವನ್ನು ಕರ್ನಾಟಕ ಸೇರಿದಂತೆ ಹಲವು ರಾಜ್ಯಗಳಲ್ಲಿ ಹೊಂದಿದೆ. ಕರ್ನಾಟಕದಲ್ಲಿ ಇ.ವಿ. ತಯಾರಿಕಾ ಘಟಕವೊಂದನ್ನು ಆರಂಭಿಸುವ ಆಲೋಚನೆ ಕೂಡ ಇದೆ ಎಂದು ಕಂಪನಿ ಹೇಳಿದೆ.
ಎಲ್ಮೊ ದ್ವಿಚಕ್ರ ವಾಹನವು ಒಂದು ಬಾರಿ ಚಾರ್ಜ್‌ ಮಾಡಿದರೆ 90 ಕಿ.ಮೀ. ಸಾಗುತ್ತದೆ. ಗಂಟೆಗೆ ಗರಿಷ್ಠ 75 ಕಿ.ಮೀ. ವೇಗದಲ್ಲಿ ಇದು ಸಾಗಬಲ್ಲದು.
