ಮೇನಲ್ಲಿ ವಾಹನ ಮಾರಾಟ ಕುಸಿತ

ಲಾಕ್‌ಡೌನ್‌ ಕಾರಣಕ್ಕೆ ಕಂಪನಿಗಳು ತಯಾರಿಕಾ ಚಟುವಟಿಕೆಗಳನ್ನು ನಿಲ್ಲಿಸಿದ್ದವು. ಜತೆಗೆ ಬೇಡಿಕೆಯೂ ಇಲ್ಲದಿರುವುದರಿಂದ ಮಾರಾಟದ ಮೇಲೆ ಭಾರಿ ಪೆಟ್ಟು ಬಿದ್ದಿದೆ.

ಮಾರುತಿ ಸುಜುಕಿ ಇಂಡಿಯಾದ ಮಾರಾಟ ಶೇ 86ರಷ್ಟು ಕುಸಿತ ಕಂಡಿದ್ದು, ಒಟ್ಟಾರೆ 18,539 ವಾಹನಗಳು ಮಾರಾಟವಾಗಿವೆ. 2019ರ ಮೇನಲ್ಲಿ 1.34 ಲಕ್ಷ ವಾಹನಗಳು ಮಾರಾಟವಾಗಿದ್ದವು.

ದೇಶಿ ಮಾರಾಟ ಶೇ 89ರಷ್ಟು ಹಾಗೂ ರಫ್ತು ಶೇ 49ರಷ್ಟು ಕಡಿಮೆಯಾಗಿದೆ.

ಮಹೀಂದ್ರಾ ಆ್ಯಂಡ್‌ ಮಹೀಂದ್ರಾ ಕಂಪನಿಯ ಒಟ್ಟಾರೆ ಮಾರಾಟ ಶೇ 79ರಷ್ಟು ಕುಸಿತ ಕಂಡಿದ್ದು 9,560 ವಾಹನಗಳನ್ನು ಮಾರಾಟ ಮಾಡಿದೆ.ದೇಶಿ ಮಾರಾಟ ಶೇ 79ರಷ್ಟು ಕುಸಿದಿದೆ.

ಟೊಯೋಟ ಕಂಪನಿಯು ಮಾರಾಟವೂ ಶೇ 86ರಷ್ಟು ಕುಸಿತ ಕಂಡಿದೆ.

ದ್ವಿಚಕ್ರ ವಾಹನ ತಯಾರಿಕೆಯಲ್ಲಿ ಮುಂಚೂಣಿಯಲ್ಲಿ ಇರುವ ಹೀರೊ ಮೋಟೊ ಕಾರ್ಪ್ ಕಂಪನಿಯ ಮಾರಾಟ ಶೇ 83ರಷ್ಟು ಇಳಿಕೆಯಾಗಿದೆ.