ಬೆಂಗಳೂರು: ಬ್ಯಾಂಕ್ ಆಫ್ ಬರೋಡಾ, ಕಾರು ಸಾಲ ಪಡೆಯುವ ಗ್ರಾಹಕರಿಗೆ ಸ್ಥಿರ ಬಡ್ಡಿದರದ ಆಯ್ಕೆಯನ್ನೂ ನೀಡಲು ಆರಂಭಿಸಿದೆ. ಗ್ರಾಹಕರು ಕಾರು ಸಾಲ ಪಡೆಯುವಾಗ ಸ್ಥಿರ ಬಡ್ಡಿದರ ಅಥವಾ ಬದಲಾಗುವ ಬಡ್ಡಿದರದ ಆಯ್ಕೆಯನ್ನು ಮಾಡಿಕೊಳ್ಳಬಹುದಾಗಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.
ಇಎಂಐ ಮೊತ್ತವನ್ನು ತಿಂಗಳ ಬಾಕಿ ಬದಲಾಗಿ ಪ್ರತಿ ದಿನದ ಬಾಕಿಯ ಆಧಾರದ ಮೇಲೆ ಲೆಕ್ಕಹಾಕುವ ಸೌಲಭ್ಯವನ್ನು ಕೂಡ ನೀಡಲಾಗುತ್ತಿದೆ ಎಂದು ಬ್ಯಾಂಕ್ ಹೇಳಿದೆ. ಈ ಕೊಡುಗೆಗಳು ವಿದ್ಯುತ್ ಚಾಲಿತ ವಾಹನ ಖರೀದಿಸುವವರಿಗೆ ಕೂಡ ಲಭ್ಯವಾಗಲಿವೆ.