ಬೆಂಗಳೂರು: ಹುಂಡೈ ಮೋಟರ್‌ ಇಂಡಿಯಾ ಲಿಮಿಟೆಡ್‌ ತನ್ನ ಹೊಸ ಹುಂಡೈ ಕ್ರೆಟಾದ ಬುಕಿಂಗ್ ಆರಂಭಿಸಿದೆ. ಗ್ರಾಹಕರು ದೇಶದ ಯಾವುದೇ ಹುಂಡೈ ವಿತರಕರ ಬಳಿ ₹25 ಸಾವಿರ ಆರಂಭಿಕ ಬುಕಿಂಗ್ ಮೊತ್ತ ಪಾವತಿಸಿ ನೋಂದಾಯಿಸಿ ಕೊಳ್ಳಬಹುದು ಎಂದು ಹುಂಡೈ ತಿಳಿಸಿದೆ.
ಎಲ್‌ಇಡಿ ಹೆಡ್‌ಲ್ಯಾಂಪ್‌ ಹೊಂದಿರುವ ವಾಹನವು, ಮೂರು ಎಂಜಿನ್‌ ಆಯ್ಕೆಗಳನ್ನು ಹೊಂದಿದೆ. ಇಂಟಿಗ್ರೇಟೆಡ್ ಇನ್ಫೋಟೈನ್‌ಮೆಂಟ್ ಸ್ಕ್ರೀನ್ ಮತ್ತು ಡಿಜಿಟಲ್ ಕ್ಲಸ್ಟರ್ ವಿವಿಧ ಮಾಹಿತಿಯ ಪ್ರದರ್ಶನ ನೀಡುತ್ತದೆ.
ಈ ವಾಹನವು ಏಳು ವಿವಿಧ ಬಣ್ಣದಲ್ಲಿ (ರೋಬಸ್ಟ್ ಎಮರಾಲ್ಡ್ ಪರ್ಲ್, ಫಿಯರಿ ರೆಡ್, ರೇಂಜರ್ ಖಾಕಿ, ಅಬಿಸ್ ಬ್ಲ್ಯಾಕ್, ಅಟ್ಲಾಸ್ ವೈಟ್ ಮತ್ತು ಟೈಟಾನ್ ಗ್ರೇ ಮತ್ತು 6 ಮೊನೊ-ಟೋನ್ ಹಾಗೂ 1 ಅಟ್ಲಾಸ್ ವೈಟ್ ಜೊತೆ ಬ್ಲಾಕ್‌ ಡ್ಯುಯಲ್ ಟೋನ್) ಲಭ್ಯ ಇರುತ್ತದೆ ಎಂದು ತಿಳಿಸಿದೆ.
