ಪೇಟೆಯಲ್ಲಿ ಗೂಳಿಯ ನಾಗಾಲೋಟ

ಮಂಗಳವಾರ, ಜೂನ್ 18, 2019
29 °C

ಪೇಟೆಯಲ್ಲಿ ಗೂಳಿಯ ನಾಗಾಲೋಟ

Published:
Updated:
Prajavani

ಮುಂಬೈ: ಷೇರುಗಳ ಮಾನದಂಡವಾಗಿರುವ ಸಂವೇದಿ ಸೂಚ್ಯಂಕ ಮತ್ತು ‘ನಿಫ್ಟಿ’, ಶುಕ್ರವಾರದ ವಹಿವಾಟಿನಲ್ಲಿ ದಾಖಲೆ ಮಟ್ಟದಲ್ಲಿ ದಿನದ ವಹಿವಾಟು ಕೊನೆಗೊಳಿಸಿವೆ.

ನರೇಂದ್ರ ಮೋದಿ ನೇತೃತ್ವದಲ್ಲಿನ ಬಿಜೆಪಿಗೆ ಲೋಕಸಭಾ ಚುನಾವಣೆಯಲ್ಲಿ ಮತದಾರರು ನಿರ್ಣಾಯಕವಾಗಿ ಬೆಂಬಲಿಸಿರುವುದರಿಂದ ಆರ್ಥಿಕ ಸುಧಾರಣಾ ಕ್ರಮಗಳ ಜಾರಿಗೆ ಭಾರಿ ವೇಗ ಸಿಗಲಿದೆ ಎಂದು ಹೂಡಿಕೆದಾರರು ಬಹುವಾಗಿ ನಿರೀಕ್ಷಿಸಿದ್ದಾರೆ. ಹೀಗಾಗಿ ಪೇಟೆಯಲ್ಲಿ ಖರೀದಿ ಉತ್ಸಾಹ ಹೆಚ್ಚಿದೆ.

ಬಿಎಸ್‌ಇ ಸಂವೇದಿ ಸೂಚ್ಯಂಕವು 623 ಅಂಶಗಳ ಏರಿಕೆ ದಾಖಲಿಸಿ 39,434 ಅಂಶಗಳಲ್ಲಿ ಮತ್ತು ರಾಷ್ಟ್ರೀಯ ಷೇರುಪೇಟೆ ‘ನಿಫ್ಟಿ’, 187 ಅಂಶ ಏರಿಕೆ ಕಂಡು 11,844 ಅಂಶಗಳಲ್ಲಿ ದಿನದ ವಹಿವಾಟು ಕೊನೆಗೊಳಿಸಿವೆ.

ವಹಿವಾಟಿನ ಮಧ್ಯದಲ್ಲಿ ಸೂಚ್ಯಂಕವು ಗರಿಷ್ಠ 39,476.97 ಅಂಶ ಮತ್ತು ಕನಿಷ್ಠ 38,824.26 ಅಂಶಗಳ ಮಧ್ಯೆ ಹೊಯ್ದಾಡಿತು. 11,784 ಅಂಶಗಳೊಂದಿಗೆ ವಹಿವಾಟು ಆರಂಭಿಸಿದ ‘ನಿಫ್ಟಿ’ ಕೂಡ, ಗರಿಷ್ಠ 11,859 ಮತ್ತು ಕನಿಷ್ಠ 11,658 ಅಂಶಗಳ ಮಧ್ಯೆ ಚಲಿಸಿತು.

ದಿನದ ವಹಿವಾಟಿನಲ್ಲಿ ಸಂವೇದಿ ಸೂಚ್ಯಂಕದಲ್ಲಿನ 26 ಷೇರುಗಳು ಲಾಭ ಬಾಚಿಕೊಂಡರೆ, 4 ಷೇರುಗಳ ಬೆಲೆ ಮಾತ್ರ ಕುಸಿತ ಕಂಡವು. ಎಲ್ಲ 19 ವಲಯಗಳಲ್ಲಿನ ಷೇರುಗಳು, ರಿಯಾಲ್ಟಿ, ಭಾರಿ ಯಂತ್ರೋಪಕರಣ, ದೂರಸಂಪರ್ಕ ಮತ್ತು ವಾಹನ ತಯಾರಿಕಾ ಸಂಸ್ಥೆಗಳ ನೇತೃತ್ವದಲ್ಲಿ ಲಾಭ ಮಾಡಿಕೊಂಡವು.

ಗಳಿಕೆ ಕಂಡ ಷೇರುಗಳಲ್ಲಿ ಐಸಿಐಸಿಐ ಬ್ಯಾಂಕ್‌ (ಶೇ 5.09) ಮುಂಚೂಣಿಯಲ್ಲಿತ್ತು. ನಂತರದ ಸ್ಥಾನದಲ್ಲಿ ಎಲ್ಆ್ಯಂಡ್‌ಟಿ, ಭಾರ್ತಿ ಏರ್‌ಟೆಲ್‌, ವೇದಾಂತ ಮತ್ತು ಟಾಟಾ ಮೋಟರ್ಸ್‌ ಷೇರುಗಳು ಶೇ 4.60ರವರೆಗೆ ಗಳಿಕೆ ದಾಖಲಿಸಿದವು.

ಮಧ್ಯಮ (ಶೇ 2.43) ಮತ್ತು ಸಣ್ಣ ಗಾತ್ರದ ಕಂಪನಿಗಳ ಷೇರುಗಳು (ಶೇ 2.09) ಉತ್ತಮ ಸಾಧನೆ ತೋರಿದವು. ಒಟ್ಟಾರೆ 1,827 ಷೇರುಗಳ ಬೆಲೆ ಏರಿಕೆ ಕಂಡವು. 695 ಷೇರುಗಳ ಬೆಲೆ ಕುಸಿತ ದಾಖಲಿಸಿದವು.

ಡಾಲರ್‌ ಎದುರಿನ ರೂ‍ಪಾಯಿ ವಿನಿಮಯ ದರ ಏರಿಕೆಯಾಗಿರುವುದು ವಹಿವಾಟಿನ ಉತ್ಸಾಹ ಹೆಚ್ಚಿಸಿದೆ ಎಂದು ಷೇರು ದಲ್ಲಾಳಿಗಳು ತಿಳಿಸಿದ್ದಾರೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 2

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !