ನವದೆಹಲಿ: ಫಿನ್ಟೆಕ್ ಕಂಪನಿಯಾದ ಭಾರತ್ಪೇ ಸಿಇಒ ಆಗಿ ನಳಿನ್ ನೇಗಿ ನೇಮಕವಾಗಿದ್ದಾರೆ.
ಸುಹೇಲ್ ಸಮೀರ್ ಅವರು ಸಿಇಒ ಹುದ್ದೆಯಿಂದ ಕೆಳಗಿಳಿದ ಬಳಿಕ 2023ರ ಜನವರಿಯಿಂದ ನೇಗಿ ಅವರು ಹಂಗಾಮಿ ಸಿಇಒ ಆಗಿ ಕಾರ್ಯ ನಿರ್ವಹಿಸುತ್ತಿದ್ದರು. 2022ರಲ್ಲಿ ಭಾರತ್ಪೇ ಕಂಪನಿಗೆ ಸೇರ್ಪಡೆಗೊಂಡಿದ್ದರು. ಫಿನ್ಟೆಕ್ ಹಾಗೂ ಬ್ಯಾಂಕಿಂಗ್ ಕ್ಷೇತ್ರದಲ್ಲಿ ಅವರಿಗೆ 28 ವರ್ಷಗಳಷ್ಟು ಸೇವಾನುಭವ ಇದೆ.
‘ಹಂಗಾಮಿ ಸಿಇಒ ಆಗಿದ್ದ ವೇಳೆ ನೇಗಿ ಅವರು ಭಾರತ್ಪೇ ಬೆಳವಣಿಗೆಗೆ ಉತ್ತಮ ಕೊಡುಗೆ ನೀಡಿದ್ದಾರೆ. ಫಿನ್ಟೆಕ್ ವಲಯದಲ್ಲಿ ಅವರಿಗೆ ಇರುವ ಅನುಭವವು ಕಂಪನಿಯು ಮತ್ತಷ್ಟು ಬೆಳವಣಿಗೆ ಹೊಂದಲು ನೆರವಾಗಲಿದೆ’ ಎಂದು ಭಾರತ್ಪೇ ಆಡಳಿತ ಮಂಡಳಿಯ ಮುಖ್ಯಸ್ಥ ರಜನೀಶ್ ಕುಮಾರ್ ತಿಳಿಸಿದ್ದಾರೆ.