ನವದೆಹಲಿ: ತ್ವರಿತವಾಗಿ ಬಿಕರಿಯಾಗುವ ಗ್ರಾಹಕ ಬಳಕೆಯ ಉತ್ಪನ್ನ (ಎಫ್ಎಂಸಿಜಿ) ವಲಯದ ಪ್ರಮುಖ ಕಂಪನಿ ಬ್ರಿಟಾನಿಯಾ, ಪ್ರತಿ ಷೇರಿಗೆ ₹ 83ರಂತೆ ಮಧ್ಯಂತರ ಲಾಭಾಂಶ ಘೋಷಣೆ ಮಾಡಿದೆ.
ಸೋಮವಾರ ನಡೆದ ಕಂಪನಿಯ ನಿರ್ದೇಶಕರ ಮಂಡಳಿ ಸಭೆಯಲ್ಲಿ, 2020–21ನೇ ಹಣಕಾಸು ವರ್ಷಕ್ಕೆ ₹ 1ರ ಮುಖಬೆಲೆಯ ಪ್ರತಿ ಷೇರಿಗೆ ₹ 83ರಂತೆ ಮಧ್ಯಂತರ ಲಾಭಾಂಶ ನೀಡಲು ನಿರ್ಧರಿಸಲಾಗಿದೆ ಎಂದು ಷೇರುಪೇಟೆಗೆ ಮಾಹಿತಿ ನೀಡಿದೆ.
ಅಸುರಕ್ಷಿತ, ಪರಿವರ್ತಿಸಲಾಗದ, ಪುನಃ ಪಡೆಯಬಹುದಾದ ಸಾಲಪತ್ರಗಳನ್ನು ಬೋನಸ್ ರೂಪದಲ್ಲಿ ನೀಡಲು ಸಹ ಒಪ್ಪಿಗೆ ದೊರೆತಿದೆ ಎಂದು ಹೇಳಿದೆ.