ನವದೆಹಲಿ: ಆಕಾಶ್ ಎಜುಕೇಷನಲ್‌ ಸರ್ವೀಸಸ್‌ನ ಸ್ವಾಧೀನಕ್ಕೆ ಸಂಬಂಧಿಸಿದಂತೆಬೈಜುಸ್ ಕಂಪನಿಯು ಬ್ಲಾಕ್‌ಸ್ಟೋನ್‌ ಕಂಪನಿಗೆ ₹1,863 ಕೋಟಿ ಬಾಕಿ ಮೊತ್ತವನ್ನು ಪಾವತಿಸಿದೆ ಎಂದು ಮೂಲಗಳು ಹೇಳಿವೆ.
ಬೈಜುಸ್ ಕಂಪನಿಯು ಏಪ್ರಿಲ್‌ನಲ್ಲಿ ₹7,695 ಕೋಟಿಗೆ ಆಕಾಶ್ ಅನ್ನು ಸ್ವಾಧೀನಪಡಿಸಿಕೊಂಡಿತ್ತು. ಆಕಾಶ್ ಮತ್ತು ಬ್ಲಾಕ್‌ಸ್ಟೋನ್‌ನ ಪಾಲುದಾರರು ಆಕಾಶ್ ಕಂಪನಿಯಲ್ಲಿ ಸಣ್ಣ ಪ್ರಮಾಣದಲ್ಲಿ ಷೇರುಪಾಲು ಹೊಂದಿರಲಿದ್ದಾರೆ ಎಂದು ತಿಳಿಸಿವೆ.
2021ರ ಮಾರ್ಚ್‌ 31ಕ್ಕೆ ಕೊನೆಗೊಂಡ ಹಣಕಾಸು ವರ್ಷದಲ್ಲಿ ಬೈಜುಸ್‌ನ ನಷ್ಟವು ₹4,588 ಕೋಟಿ ಆಗಿದೆ. ವರಮಾನವು ₹2,428 ಕೋಟಿಗೆ ಇಳಿಕೆ ಆಗಿದೆ. 2022ರ ಮಾರ್ಚ್‌ 31ಕ್ಕೆ ಕೊನೆಗೊಂಡ ಹಣಕಾಸು ವರ್ಷದಲ್ಲಿ ವರಮಾನವು ₹10 ಸಾವಿರ ಕೋಟಿಗೆ ತಲುಪಿದೆ ಎಂದು ಕಂಪನಿ ಹೇಳಿದೆ. ಆದರೆ, ಲಾಭ ಅಥವಾ ನಷ್ಟದ ಮಾಹಿತಿ ನೀಡಿಲ್ಲ.
