ಪ್ರಮುಖವಲ್ಲದ ಆಸ್ತಿಗಳ ನಗದೀಕರಣದ ಮೂಲಕ ಸರ್ಕಾರಕ್ಕೆ ಗಣನೀಯ ಪ್ರಮಾಣದ ವರಮಾನ ಸಂಗ್ರಹಿಸಲು ಸಾಧ್ಯವಾಗುತ್ತದೆ ಎಂದು ಕೂಡ ಪ್ರಕಟಣೆಯಲ್ಲಿ ಹೇಳಲಾಗಿದೆ. ‘ಕೇಂದ್ರ ಸರ್ಕಾರದ ಉದ್ಯಮಗಳ ಬಳಿ ಹೆಚ್ಚುವರಿಯಾಗಿ, ಬಳಕೆಯಲ್ಲಿ ಇಲ್ಲದ ಜಮೀನು ಮತ್ತು ಕಟ್ಟಡಗಳು ಬಹಳ ಇವೆ. ಖಾಸಗಿಯವರಿಗೆ ಮಾರಾಟ ಆಗಲಿರುವ ಮತ್ತು ಸ್ಥಗಿತಗೊಳ್ಳಲಿರುವ ಕೇಂದ್ರೋದ್ಯಮಗಳ ಇಂತಹ ಆಸ್ತಿಗಳನ್ನು ನಗದೀಕರಣಕ್ಕೆ ಬಳಸಿಕೊಂಡರೆ, ಆ ಉದ್ಯಮಗಳ ಮೌಲ್ಯ ಹೆಚ್ಚಳಕ್ಕೆ ನೆರವಾಗುತ್ತದೆ’ ಎಂದು ಕೂಡ ಅದು ಹೇಳಿದೆ.
