<p class="title"><strong>ನವದೆಹಲಿ</strong>: ಹಾಲಿ ಆರ್ಥಿಕ ವರ್ಷದಲ್ಲಿ ಉದ್ಯೋಗಿಗಳ ಭವಿಷ್ಯ ನಿಧಿ ಠೇವಣಿಗಳಿಗೆ (ಇಪಿಎಫ್) ಶೇಕಡ 8.5ರಷ್ಟು ಬಡ್ಡಿ ನೀಡಲು ಭವಿಷ್ಯ ನಿಧಿ ಸಂಘಟನೆ ಗುರುವಾರ ತೀರ್ಮಾನಿಸಿದೆ. ಸಂಘಟನೆಯು ಐದು ಕೋಟಿಗೂ ಹೆಚ್ಚಿನ ಚಂದಾದಾರರನ್ನು ಹೊಂದಿದೆ.</p>.<p class="title">ಉದ್ಯೋಗಿಗಳ ಭವಿಷ್ಯ ನಿಧಿ ಸಂಘಟನೆಯ ಅತ್ಯುನ್ನತ ಸಮಿತಿಯಾದ ಕೇಂದ್ರ ಧರ್ಮದರ್ಶಿಗಳ ಮಂಡಳಿಯ ಸಭೆಯು ಕೇಂದ್ರ ಕಾರ್ಮಿಕ ಖಾತೆ ರಾಜ್ಯ ಸಚಿವ ಸಂತೋಷ್ ಕುಮಾರ್ ಗಂಗ್ವಾರ್ ಅಧ್ಯಕ್ಷತೆಯಲ್ಲಿ ಶ್ರೀನಗರದಲ್ಲಿ ನಡೆಯಿತು. 2020–21ನೇ ಸಾಲಿನ ಬಡ್ಡಿ ದರವನ್ನು ಸಭೆಯಲ್ಲಿ ಅಂತಿಮಗೊಳಿಸಲಾಯಿತು.</p>.<p class="title">ಬಡ್ಡಿ ದರದ ವಿಚಾರದಲ್ಲಿ ಧರ್ಮದರ್ಶಿಗಳ ಮಂಡಳಿ ಕೈಗೊಂಡಿರುವ ತೀರ್ಮಾನವನ್ನು ಕೇಂದ್ರ ಹಣಕಾಸು ಸಚಿವಾಲಯದ ಸಮ್ಮತಿಗಾಗಿ ರವಾನಿಸಲಾಗುತ್ತದೆ. ಹಣಕಾಸು ಸಚಿವಾಲಯದ ಸಮ್ಮತಿ ದೊರೆತ ನಂತರ, ಶೇ 8.5ರಷ್ಟು ಬಡ್ಡಿಯನ್ನು ಭವಿಷ್ಯ ನಿಧಿ ಖಾತೆಗಳಿಗೆ ವರ್ಗಾವಣೆ ಮಾಡಲಾಗುತ್ತದೆ.</p>.<p class="title">‘2021ನೇ ಹಣಕಾಸು ವರ್ಷದಲ್ಲಿ, ಈಕ್ವಿಟಿಯಲ್ಲಿನ ಹೂಡಿಕೆಯನ್ನು ನಗದಾಗಿ ಪರಿವರ್ತಿಸಿಕೊಳ್ಳಲು ಇಪಿಎಫ್ಒ ತೀರ್ಮಾನಿಸಿದೆ. ಈಕ್ವಿಟಿ ಮೇಲಿನ ಹೂಡಿಕೆಯಿಂದ ಬಂದ ಆದಾಯ ಹಾಗೂ ಸಾಲಪತ್ರಗಳ ಮೇಲಿನ ಹೂಡಿಕೆಯಿಂದ ಸಿಕ್ಕಿರುವ ಬಡ್ಡಿಯ ಪರಿಣಾಮವಾಗಿ ಈ ವರ್ಷ ಇಷ್ಟು ಬಡ್ಡಿದರವನ್ನು ಶಿಫಾರಸು ಮಾಡಲು ಸಾಧ್ಯವಾಗಿದೆ. ಹೆಚ್ಚಿನ ಬಡ್ಡಿ ದರವನ್ನು ನೀಡುವಂತೆ ಶಿಫಾರಸು ಮಾಡಿದ ನಂತರವೂ, ಇಪಿಎಫ್ಒ ಬಳಿ ಆರೋಗ್ಯಕರ ಅನ್ನಿಸುವಷ್ಟು ಮಿಗತೆ ಹಣ ಉಳಿದುಕೊಳ್ಳುತ್ತದೆ. ಈ ಹಣವು ಭವಿಷ್ಯದಲ್ಲಿ ಕೂಡ ಹೆಚ್ಚಿನ ಪ್ರಮಾಣದ ಬಡ್ಡಿ ನೀಡಲು ನೆರವಾಗುತ್ತದೆ’ ಎಂದು ಪ್ರಕಟಣೆ ತಿಳಿಸಿದೆ.</p>.<p class="title">ಈ ವರ್ಷದಲ್ಲಿ ಶೇ 8.5ರಷ್ಟು ಬಡ್ಡಿ ನೀಡಿದ ನಂತರ, ಇಪಿಎಫ್ಒ ಬಳಿ ₹ 300 ಕೋಟಿ ಹೆಚ್ಚುವರಿ ಹಣ ಉಳಿಯಲಿದೆ ಎಂದು ಧರ್ಮದರ್ಶಿಗಳ ಮಂಡಳಿಯ ಸದಸ್ಯ ಕೆ.ಇ. ರಘುನಾಥನ್ ತಿಳಿಸಿದ್ದಾರೆ.</p>.<p class="title">2014ನೆಯ ಹಣಕಾಸು ವರ್ಷದಿಂದಲೂ ಇಪಿಎಫ್ಒ ಶೇ 8.5ಕ್ಕಿಂತ ಹೆಚ್ಚು ಬಡ್ಡಿಯನ್ನು ನೀಡುತ್ತಿದೆ. 2015–16ರಿಂದ ಇಪಿಎಫ್ಒ, ಈಕ್ವಿಟಿಗಳಲ್ಲಿ ಹೂಡಿಕೆ ಮಾಡುವುದನ್ನು ಆರಂಭಿಸಿದೆ. ಮೊದಲಿಗೆ ಸಂಘಟನೆಯು ಎನ್ಎಸ್ಇ–50 ಮತ್ತು ಬಿಎಸ್ಸಿ–30 ಸೂಚ್ಯಂಕಗಳ ಎಕ್ಸ್ಚೇಂಜ್ ಟ್ರೇಡೆಡ್ ಫಂಡ್ಗಳಲ್ಲಿ ಹೂಡಿಕೆ ಮಾಡಿತು.</p>.<p class="title">ವರ್ಷ;ಬಡ್ಡಿ (%)</p>.<p class="title">2019–20;8.5</p>.<p class="title">2018–19;8.65</p>.<p class="title">2017–18;8.55</p>.<p class="title">2016–17;8.65</p>.<p class="title">2015–16;8.8</p>.<p class="title">2014–15;8.75</p>.<p class="title">2013–14;8.75</p>.<p class="title">2012–13;8.5</p>.<p class="title">2011–12;8.25</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p class="title"><strong>ನವದೆಹಲಿ</strong>: ಹಾಲಿ ಆರ್ಥಿಕ ವರ್ಷದಲ್ಲಿ ಉದ್ಯೋಗಿಗಳ ಭವಿಷ್ಯ ನಿಧಿ ಠೇವಣಿಗಳಿಗೆ (ಇಪಿಎಫ್) ಶೇಕಡ 8.5ರಷ್ಟು ಬಡ್ಡಿ ನೀಡಲು ಭವಿಷ್ಯ ನಿಧಿ ಸಂಘಟನೆ ಗುರುವಾರ ತೀರ್ಮಾನಿಸಿದೆ. ಸಂಘಟನೆಯು ಐದು ಕೋಟಿಗೂ ಹೆಚ್ಚಿನ ಚಂದಾದಾರರನ್ನು ಹೊಂದಿದೆ.</p>.<p class="title">ಉದ್ಯೋಗಿಗಳ ಭವಿಷ್ಯ ನಿಧಿ ಸಂಘಟನೆಯ ಅತ್ಯುನ್ನತ ಸಮಿತಿಯಾದ ಕೇಂದ್ರ ಧರ್ಮದರ್ಶಿಗಳ ಮಂಡಳಿಯ ಸಭೆಯು ಕೇಂದ್ರ ಕಾರ್ಮಿಕ ಖಾತೆ ರಾಜ್ಯ ಸಚಿವ ಸಂತೋಷ್ ಕುಮಾರ್ ಗಂಗ್ವಾರ್ ಅಧ್ಯಕ್ಷತೆಯಲ್ಲಿ ಶ್ರೀನಗರದಲ್ಲಿ ನಡೆಯಿತು. 2020–21ನೇ ಸಾಲಿನ ಬಡ್ಡಿ ದರವನ್ನು ಸಭೆಯಲ್ಲಿ ಅಂತಿಮಗೊಳಿಸಲಾಯಿತು.</p>.<p class="title">ಬಡ್ಡಿ ದರದ ವಿಚಾರದಲ್ಲಿ ಧರ್ಮದರ್ಶಿಗಳ ಮಂಡಳಿ ಕೈಗೊಂಡಿರುವ ತೀರ್ಮಾನವನ್ನು ಕೇಂದ್ರ ಹಣಕಾಸು ಸಚಿವಾಲಯದ ಸಮ್ಮತಿಗಾಗಿ ರವಾನಿಸಲಾಗುತ್ತದೆ. ಹಣಕಾಸು ಸಚಿವಾಲಯದ ಸಮ್ಮತಿ ದೊರೆತ ನಂತರ, ಶೇ 8.5ರಷ್ಟು ಬಡ್ಡಿಯನ್ನು ಭವಿಷ್ಯ ನಿಧಿ ಖಾತೆಗಳಿಗೆ ವರ್ಗಾವಣೆ ಮಾಡಲಾಗುತ್ತದೆ.</p>.<p class="title">‘2021ನೇ ಹಣಕಾಸು ವರ್ಷದಲ್ಲಿ, ಈಕ್ವಿಟಿಯಲ್ಲಿನ ಹೂಡಿಕೆಯನ್ನು ನಗದಾಗಿ ಪರಿವರ್ತಿಸಿಕೊಳ್ಳಲು ಇಪಿಎಫ್ಒ ತೀರ್ಮಾನಿಸಿದೆ. ಈಕ್ವಿಟಿ ಮೇಲಿನ ಹೂಡಿಕೆಯಿಂದ ಬಂದ ಆದಾಯ ಹಾಗೂ ಸಾಲಪತ್ರಗಳ ಮೇಲಿನ ಹೂಡಿಕೆಯಿಂದ ಸಿಕ್ಕಿರುವ ಬಡ್ಡಿಯ ಪರಿಣಾಮವಾಗಿ ಈ ವರ್ಷ ಇಷ್ಟು ಬಡ್ಡಿದರವನ್ನು ಶಿಫಾರಸು ಮಾಡಲು ಸಾಧ್ಯವಾಗಿದೆ. ಹೆಚ್ಚಿನ ಬಡ್ಡಿ ದರವನ್ನು ನೀಡುವಂತೆ ಶಿಫಾರಸು ಮಾಡಿದ ನಂತರವೂ, ಇಪಿಎಫ್ಒ ಬಳಿ ಆರೋಗ್ಯಕರ ಅನ್ನಿಸುವಷ್ಟು ಮಿಗತೆ ಹಣ ಉಳಿದುಕೊಳ್ಳುತ್ತದೆ. ಈ ಹಣವು ಭವಿಷ್ಯದಲ್ಲಿ ಕೂಡ ಹೆಚ್ಚಿನ ಪ್ರಮಾಣದ ಬಡ್ಡಿ ನೀಡಲು ನೆರವಾಗುತ್ತದೆ’ ಎಂದು ಪ್ರಕಟಣೆ ತಿಳಿಸಿದೆ.</p>.<p class="title">ಈ ವರ್ಷದಲ್ಲಿ ಶೇ 8.5ರಷ್ಟು ಬಡ್ಡಿ ನೀಡಿದ ನಂತರ, ಇಪಿಎಫ್ಒ ಬಳಿ ₹ 300 ಕೋಟಿ ಹೆಚ್ಚುವರಿ ಹಣ ಉಳಿಯಲಿದೆ ಎಂದು ಧರ್ಮದರ್ಶಿಗಳ ಮಂಡಳಿಯ ಸದಸ್ಯ ಕೆ.ಇ. ರಘುನಾಥನ್ ತಿಳಿಸಿದ್ದಾರೆ.</p>.<p class="title">2014ನೆಯ ಹಣಕಾಸು ವರ್ಷದಿಂದಲೂ ಇಪಿಎಫ್ಒ ಶೇ 8.5ಕ್ಕಿಂತ ಹೆಚ್ಚು ಬಡ್ಡಿಯನ್ನು ನೀಡುತ್ತಿದೆ. 2015–16ರಿಂದ ಇಪಿಎಫ್ಒ, ಈಕ್ವಿಟಿಗಳಲ್ಲಿ ಹೂಡಿಕೆ ಮಾಡುವುದನ್ನು ಆರಂಭಿಸಿದೆ. ಮೊದಲಿಗೆ ಸಂಘಟನೆಯು ಎನ್ಎಸ್ಇ–50 ಮತ್ತು ಬಿಎಸ್ಸಿ–30 ಸೂಚ್ಯಂಕಗಳ ಎಕ್ಸ್ಚೇಂಜ್ ಟ್ರೇಡೆಡ್ ಫಂಡ್ಗಳಲ್ಲಿ ಹೂಡಿಕೆ ಮಾಡಿತು.</p>.<p class="title">ವರ್ಷ;ಬಡ್ಡಿ (%)</p>.<p class="title">2019–20;8.5</p>.<p class="title">2018–19;8.65</p>.<p class="title">2017–18;8.55</p>.<p class="title">2016–17;8.65</p>.<p class="title">2015–16;8.8</p>.<p class="title">2014–15;8.75</p>.<p class="title">2013–14;8.75</p>.<p class="title">2012–13;8.5</p>.<p class="title">2011–12;8.25</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
