ನಾಲ್ಕು ತಿಂಗಳ ಹಿಂದೆ ಅರೇಬಿಕಾ ಕಾಫಿಯ 50 ಕೆ.ಜಿ ಪಾರ್ಚ್ಮೆಂಟ್ ಬೆಲೆ ₹ 17 ಸಾವಿರ ಆಗಿತ್ತು. ಈಗ ಅದು ₹ 16,750 ಆಗಿದೆ. ದರ ಏರಿಕೆಯಿಂದ ಸಂತಸಗೊಂಡಿದ್ದ ಕೊಡಗು, ಹಾಸನ ಹಾಗೂ ಚಿಕ್ಕಮಗಳೂರು ಭಾಗದ ಬೆಳೆಗಾರರು, ಪೂರ್ಣ ಕಾಫಿ ಮಾರಾಟ ಮಾಡಿದ್ದರು. ಆದರೆ, ರೋಬಸ್ಟಾ ಕಾಫಿ ಬೆಲೆ ಏರಿಕೆಯಾಗದೆ ಬೆಳೆಗಾರರು ಹತಾಶಗೊಂಡಿದ್ದರು. ಈಗ ರೊಬಸ್ಟಾ ಪಾರ್ಚ್ಮೆಂಟ್ನ ದರವು ಮೊದಲ ಬಾರಿಗೆ ₹ 10 ಸಾವಿರ (50 ಕೆ.ಜಿಯ ಚೀಲ) ತಲುಪಿದ್ದು, ಬೆಳೆಗಾರರಲ್ಲಿ ಸಂತಸ ಮೂಡಿಸಿದೆ. ರೊಬಸ್ಟಾ ಚೆರ್ರಿಯ ದರವು ₹ 4,700 –₹ 4,900ರ (50 ಕೆ.ಜಿ) ಆಸುಪಾಸಿನಲ್ಲಿದೆ.