ನವದೆಹಲಿ: ದೇಶದ ರಫ್ತು ವಹಿವಾಟು 2021ರ ಮಾರ್ಚ್ಗೆ ಹೋಲಿಸಿದರೆ 2022ರ ಮಾರ್ಚ್ನಲ್ಲಿ ಶೇಕಡ 19.76ರಷ್ಟು ಏರಿಕೆ ಆಗಿದೆ ಎಂದು ಕೇಂದ್ರ ವಾಣಿಜ್ಯ ಸಚಿವಾಲಯ ಮಾಹಿತಿ ನೀಡಿದೆ.
ಮೌಲ್ಯದ ಲೆಕ್ಕದಲ್ಲಿ ₹ 2.67 ಲಕ್ಷ ಕೋಟಿಯಿಂದ ₹ 3.20 ಲಕ್ಷ ಕೋಟಿಗೆ ಏರಿಕೆ ಆಗಿದೆ. 2022ರ ಮಾರ್ಚ್ನಲ್ಲಿ ಆಮದು ವಹಿವಾಟು ₹ 4.61 ಲಕ್ಷ ಕೋಟಿಗೆ ತಲುಪಿದ್ದು, 2021ರ ಮಾರ್ಚ್ಗೆ ಹೋಲಿಸಿದರೆ ಶೇ 24.21ರಷ್ಟು ಏರಿಕೆಯಾಗಿದೆ.
ವ್ಯಾಪಾರ ಕೊರತೆ ಅಂತರವು 2021ರ ಮಾರ್ಚ್ನಲ್ಲಿ ₹ 1.03 ಲಕ್ಷ ಕೋಟಿ ಇದ್ದಿದ್ದು 2022ರ ಮಾರ್ಚ್ನಲ್ಲಿ ₹ 1.40 ಲಕ್ಷ ಕೋಟಿಗೆ ಏರಿದೆ.
