ನವದೆಹಲಿ: ಭಾರತೀಯ ಜೀವ ವಿಮಾ ನಿಗಮದ (ಎಲ್ಐಸಿ) ನಿಯಂತ್ರಣದಲ್ಲಿರುವ ಐಡಿಬಿಐ ಬ್ಯಾಂಕ್, ಐದು ವರ್ಷಗಳ ಬಳಿಕ ಲಾಭದತ್ತ ಮುಖ ಮಾಡಿದೆ. 2020–21ನೇ ಹಣಕಾಸು ವರ್ಷದಲ್ಲಿ ₹ 1,359 ಕೋಟಿ ನಿವ್ವಳ ಲಾಭ ಗಳಿಸಿದೆ.
2019–20ನೇ ಹಣಕಾಸು ವರ್ಷದಲ್ಲಿ ಬ್ಯಾಂಕ್ ₹ 12,887 ಕೋಟಿ ನಷ್ಟ ಅನುಭವಿಸಿತ್ತು. 2020–21ನೇ ಹಣಕಾಸು ವರ್ಷಕ್ಕೆ ಒಟ್ಟಾರೆ ವರಮಾನವು ₹ 25,295 ಕೋಟಿಗಳಿಂದ ₹ 24,557 ಕೋಟಿಗೆ ಇಳಿಕೆ ಕಂಡಿದೆ.
2020–21ನೇ ಹಣಕಾಸು ವರ್ಷದ ನಾಲ್ಕನೇ ತ್ರೈಮಾಸಿಕದಲ್ಲಿ ₹ 512 ಕೋಟಿ ನಿವ್ವಳ ಲಾಭ ಗಳಿಸಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ. ನಾಲ್ಕನೇ ತ್ರೈಮಾಸಿಕದಲ್ಲಿ ವರಮಾನವು ₹ 6,924.94 ಕೋಟಿಯಿಂದ ₹ 6,969.59 ಕೋಟಿಗೆ ಏರಿಕೆಯಾಗಿದೆ.
ಮಾರ್ಚ್ನಲ್ಲಿ ಆರ್ಬಿಐನ ಕಠಿಣ ಸ್ವರೂಪದ ನಿರ್ಬಂಧಗಳಿಂದ ಬ್ಯಾಂಕ್ ಹೊರಬಂದಿತ್ತು.