ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಹುವಾವೆ ಕಂಪನಿಯಿಂದ ತೆರಿಗೆ ವಂಚನೆ: ಕೇಂದ್ರ ಸರ್ಕಾರದ ಮೂಲಗಳ ಹೇಳಿಕೆ

Last Updated 3 ಮಾರ್ಚ್ 2022, 16:12 IST
ಅಕ್ಷರ ಗಾತ್ರ

ನವದೆಹಲಿ: ಚೀನಾ ಮೂಲದ ಹುವಾವೆ ಟೆಕ್ನಾಲಜೀಸ್ ಕಂಪನಿಯು ತನ್ನ ವಹಿವಾಟಿನ ದಾಖಲೆಗಳ ತಿದ್ದಿ, ತೆರಿಗೆಗೆ ಒಳಪಡುವ ಆದಾಯವನ್ನು ಕಡಿಮೆ ತೋರಿಸಿದೆ ಎಂಬುದು ತನಿಖೆಯಿಂದ ಗೊತ್ತಾಗಿದೆ ಎಂದು ಕೇಂದ್ರ ಸರ್ಕಾರದ ಮೂಲಗಳು ತಿಳಿಸಿವೆ.

ಕೇಂದ್ರ ಹಣಕಾಸು ಸಚಿವಾಲಯವು ಗುರುವಾರ, ‘ದೂರಸಂಪರ್ಕ ವಲಯದ ಪ್ರಮುಖ ಕಂಪನಿಯೊಂದು ₹ 400 ಕೋಟಿ ಆದಾಯವನ್ನು ತೋರಿಸಿಲ್ಲ. ಹಾಗೂ ₹ 480 ಕೋಟಿ ವೆಚ್ಚವೊಂದನ್ನು ತೋರಿಸಿದೆ. ಆದರೆ ಈ ವೆಚ್ಚವನ್ನು ಸಮರ್ಥಿಸಿಕೊಳ್ಳಲು ಕಂಪನಿ ವಿಫಲವಾಗಿದೆ’ ಎಂದು ಹೇಳಿದೆ. ಸಚಿವಾಲಯವು ಕಂಪನಿಯ ಹೆಸರು ಉಲ್ಲೇಖಿಸಿಲ್ಲ.

ಈ ಕುರಿತು ಹುವಾವೆ ವಕ್ತಾರರು ಪ್ರತಿಕ್ರಿಯೆ ನೀಡಿಲ್ಲ. ತೆರಿಗೆ ಅಧಿಕಾರಿಗಳು ಹುವಾವೆ ಕಂಪನಿಯ ನವದೆಹಲಿ, ಗುರುಗ್ರಾಮ, ಬೆಂಗಳೂರು ಕಚೇರಿಗಳ ಮೇಲೆ ಈಚೆಗೆ ಶೋಧ ನಡೆಸಿದ್ದರು. ಅಲ್ಲದೆ, ಕಂಪನಿಯ ಕೆಲವು ಹಿರಿಯ ಅಧಿಕಾರಿಗಳ ನಿವಾಸಗಳ ಮೇಲೆಯೂ ತೆರಿಗೆ ಅಧಿಕಾರಿಗಳ ದಾಳಿ ನಡೆದಿತ್ತು. ಹೆಚ್ಚಿನ ತನಿಖೆ ನಡೆಯುತ್ತಿದೆ ಎಂದು ಕೇಂದ್ರ ಹೇಳಿದೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT