ಪ್ರಜೆಗಳ ಆರ್ಥಿಕ ಮತ್ತು ವೃತ್ತಿ ಸಾಮರ್ಥ್ಯವನ್ನು ಯಾವ ದೇಶ ಎಷ್ಟು ಚೆನ್ನಾಗಿ ಬಳಕೆ ಮಾಡಿಕೊಳ್ಳಬಲ್ಲದು ಎಂಬುದನ್ನು ಕೂಡ ಪರಿಗಣಿಸಿ ಈ ಸೂಚ್ಯಂಕ ಸಿದ್ಧಪಡಿಸಲಾಗುತ್ತದೆ. ‘ಕೋವಿಡ್–19 ಸಾಂಕ್ರಾಮಿಕದ ಕಾರಣದಿಂದಾಗಿ ಮಾನವ ಬಂಡವಾಳವನ್ನು ಬೆಳೆಸಲು, ಆರೋಗ್ಯ ರಕ್ಷಣೆ, ಶಾಲೆಗಳಿಗೆ ದಾಖಲಾತಿ ಹೆಚ್ಚಳಕ್ಕೆ ದಶಕದಿಂದ ನಡೆಸಿದ ಪ್ರಯತ್ನಗಳು ವ್ಯರ್ಥವಾಗುವ ಅಪಾಯ ಇದೆ. ಸಾಂಕ್ರಾಮಿಕದ ಆರ್ಥಿಕ ಪರಿಣಾಮಗಳು ಮಹಿಳೆಯರು ಹಾಗೂ ದುರ್ಬಲ ಕುಟುಂಬಗಳ ಮೇಲೆ ಹೆಚ್ಚಿದೆ’ ಎಂದು ವಿಶ್ವ ಬ್ಯಾಂಕ್ ಹೇಳಿದೆ.
