ಬೆಂಗಳೂರು: ದೇಶದ ಎರಡನೆ ಅತಿದೊಡ್ಡ ಸಾಫ್ಟ್ವೇರ್ ರಫ್ತು ಸೇವಾ ಸಂಸ್ಥೆಯಾಗಿರುವ ಇನ್ಫೊಸಿಸ್, ಪ್ರಸಕ್ತ ಹಣಕಾಸು ವರ್ಷದ ಮೊದಲ ತ್ರೈಮಾಸಿಕದಲ್ಲಿ ₹ 3,802 ಕೋಟಿಗಳಷ್ಟು ನಿವ್ವಳ ಲಾಭ ಗಳಿಸಿದೆ.
ಜೂನ್ ಅಂತ್ಯಕ್ಕೆ ಸಂಸ್ಥೆಯ ವರಮಾನವು ₹ 21,803 ಕೋಟಿಗಳಷ್ಟಾಗಿದೆ. ಹಿಂದಿನ ವರ್ಷದ ಇದೇ ಅವಧಿಯಲ್ಲಿನ ₹ 19,128 ಕೋಟಿಗೆ ಹೋಲಿಸಿದರೆ ಶೇ 13.9ರಷ್ಟು ಏರಿಕೆಯಾಗಿದೆ. ವರ್ಷದ ಹಿಂದೆ ಸಂಸ್ಥೆಯ ನಿವ್ವಳ ಲಾಭವು ₹ 3,612 ಕೋಟಿಗಳಷ್ಟಿತ್ತು.
ಈ ವರ್ಷ ವರಮಾನ ಹೆಚ್ಚಳವು ಶೇ 8.5 ರಿಂದ ಶೇ 10ರಷ್ಟು ಇರಲಿದೆ ಎಂದು ಸಂಸ್ಥೆಯು ಅಂದಾಜಿಸಿದೆ.