ಜಿಎಸ್‌ಡಿಪಿ ಕುಸಿತ ಶೇ(–) 2.6ರಷ್ಟು

ಕರ್ನಾಟಕದ ಜಿಡಿಪಿಯು ಹಿಂದಿನ ಆರ್ಥಿಕ ವರ್ಷದಲ್ಲಿ ಶೇ 5ರಷ್ಟು ಬೆಳವಣಿಗೆ ಕಂಡಿತ್ತು. ರಾಜ್ಯದ ಕೃಷಿ ಕ್ಷೇತ್ರವು ಶೇ 6.4ರಷ್ಟು ಬೆಳವಣಿಗೆ ದಾಖಲಿಸಲಿದೆ. ಕೈಗಾರಿಕೆ ಮತ್ತು ಸೇವಾ ವಲಯಗಳು ಕ್ರಮವಾಗಿ ಶೇ (–)5.1ರಷ್ಟು, ಶೇ (–)3.1ರಷ್ಟು ಕುಸಿಯಲಿವೆ ಎಂದು ಸಮೀಕ್ಷೆಯು ಅಂದಾಜು ಮಾಡಿದೆ.

ಈಗಿನ ಬೆಲೆಗಳಲ್ಲಿ, ರಾಜ್ಯದ ನಿವ್ವಳ ತಲಾ ಆದಾಯವು 2019–20ನೇ ಸಾಲಿನಲ್ಲಿ ₹ 2.23 ಲಕ್ಷ ಆಗಿತ್ತು. ಇದು 2020–21ನೇ ಸಾಲಿನಲ್ಲಿ ಶೇ 1.6ರಷ್ಟು ಹೆಚ್ಚಳ ಕಾಣಲಿದೆ, ₹ 2.26 ಲಕ್ಷಕ್ಕೆ ತಲುಪಲಿದೆ ಎಂದು ಸಮೀಕ್ಷೆಯು ಹೇಳಿದೆ. ರಾಷ್ಟ್ರೀಯ ತಲಾ ಆದಾಯವು 2020–21ನೇ ಸಾಲಿನಲ್ಲಿ ಶೇ (–)5.4ರಷ್ಟು ಕಡಿಮೆ ಆಗಿ, ₹ 1.26 ಲಕ್ಷ ಆಗಲಿದೆ ಎಂದು ಅಂದಾಜಿಸಲಾಗಿದೆ.