ಆರ್‌ಬಿಐ ಇದುವರೆಗೆ ಶೇ 1.10ರಷ್ಟು ರೆಪೊ ದರ ತಗ್ಗಿಸಿದ್ದರೂ ಬ್ಯಾಂಕ್‌ಗಳ ವಿವಿಧ ಸಾಲಗಳು ನಿರೀಕ್ಷಿತ ಮಟ್ಟದಲ್ಲಿ ಕಡಿಮೆಯಾಗಿಲ್ಲ. ರೆಪೊ ದರ ಕಡಿತದ ಪ್ರಯೋಜನವನ್ನು ಸಾಲಗಾರರಿಗೆ ವರ್ಗಾಯಿಸಿಲ್ಲ. ಸಾಲಗಳು ಅಗ್ಗವಾಗುವ ಬದಲಿಗೆ ಏಪ್ರಿಲ್‌ನಿಂದೀಚೆಗೆ ತುಟ್ಟಿಯಾಗಿವೆ. ಸಾಲದ ಬಡ್ಡಿ ದರಗಳು ಸರಾಸರಿ ಶೇ 0.08ರಷ್ಟು ಏರಿಕೆಯಾಗಿವೆ. ಇದಕ್ಕೆ ಹಣದುಬ್ಬರ ಪರಿಗಣಿಸಿರುವುದು ಮತ್ತು ಕುಸಿಯುತ್ತಿರುವ ಆರ್ಥಿಕ ಪ್ರಗತಿಯೇ ಕಾರಣ ಎಂದು ಮೆರಿಲ್‌ ಲಿಂಚ್‌ನ ಅರ್ಥಶಾಸ್ತ್ರಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
