ಶುಕ್ರವಾರ, ಸೆಪ್ಟೆಂಬರ್ 25, 2020
28 °C

ಎಲ್‌ಐಸಿ: ‘ಜೀವನ್‌ ಅಮರ್’ ಯೋಜನೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ಸರ್ಕಾರಿ ಸ್ವಾಮ್ಯದ ಭಾರತೀಯ ಜೀವ ವಿಮೆ ಸಂಸ್ಥೆಯು (ಎಲ್‌ಐಸಿ) ಹೊಸ ಟರ್ಮ್‌ ಇನ್ಶುರೆನ್ಸ್‌ ಪಾಲಿಸಿ, ‘ಜೀವನ್‌ ಅಮರ್‌’ ಪರಿಚಯಿಸಿದೆ.

18 ರಿಂದ 65 ವಯಸ್ಸಿನವರು ಈ ಯೋಜನೆ ಖರೀದಿಸಬಹುದು. ಪಾಲಿಸಿ ಅವಧಿಯು 10 ವರ್ಷದಿಂದ ಗರಿಷ್ಠ 40 ವರ್ಷದವರೆಗೆ ಇರಲಿದೆ. ಕನಿಷ್ಠ ಪರಿಹಾರ ಮೊತ್ತವು ₹ 25 ಲಕ್ಷ ಇರಲಿದೆ. ಮರಣ ಪರಿಹಾರ ಪಾವತಿಯು ಒಂದೇ ಗಂಟಿನಲ್ಲಿ ಅಥವಾ ಕಂತಿನಲ್ಲಿ ಪಡೆಯುವ ಅವಕಾಶ ಇದರಲ್ಲಿ ಇದೆ. ಈ ಯೋಜನೆಯಡಿ ಅಪಘಾತ ವಿಮೆ ಪರಿಹಾರವನ್ನೂ ಹೆಚ್ಚುವರಿಯಾಗಿ  ಸೇರ್ಪಡೆ ಮಾಡಬಹುದು. ತಂಬಾಕು ಸೇವನೆ ಮಾಡುವವರು ಮತ್ತು ಮಾಡದವರಿಗೆ ಪ್ರತ್ಯೇಕ ವಿಮೆ ಕಂತು ನಿಗದಿಪಡಿಸಲಾಗಿದೆ. ಮಹಿಳೆಯರಿಗೆ ಕಡಿಮೆ ಕಂತು ಪಾವತಿ ಸೌಲಭ್ಯ ಇದೆ. ಈ ಯೋಜನೆಯಲ್ಲಿನ ಹೂಡಿಕೆಗೆ ತೆರಿಗೆ ವಿನಾಯ್ತಿಯೂ ಲಭ್ಯ ಇದೆ.

ಅಧಿಕಾರ ಸ್ವೀಕಾರ

ಕರ್ನಾಟಕ ಆ್ಯಂಟಿಬಯೊಟಿಕ್ಸ್‌ ಆ್ಯಂಡ್‌ ಫಾರ್ಮಾಸ್ಯುಟಿಕಲ್ಸ್‌ ಲಿಮಿಟೆಡ್‌ನ (ಕೆಎಪಿಎಲ್‌) ಹೊಸ ವ್ಯವಸ್ಥಾಪಕ ನಿರ್ದೇಶಕರಾಗಿ ಸುನಿಲ್‌ ಕುಮಾರ್‌ ಕೆ. ಅಧಿಕಾರ ಸ್ವೀಕರಿಸಿದ್ದಾರೆ.

1996ರಲ್ಲಿ ‘ಕೆಎಪಿಎಲ್‌’ ಸೇರಿದ್ದ ಇವರು ವಿವಿಧ ಹುದ್ದೆಗಳನ್ನು ನಿಭಾಯಿಸಿದ್ದಾರೆ. ಈ ಬಡ್ತಿಗೆ ಮುನ್ನ ಇವರು ಮಾರುಕಟ್ಟೆ ವಿಭಾಗದ ಜನರಲ್‌ ಮ್ಯಾನೇಜರ್‌ ಆಗಿದ್ದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.