ಬೆಂಗಳೂರು: ಎಂಜಿ (ಮೋರಿಸ್‌ ಗ್ಯಾರೇಜ್‌) ಮೋಟರ್‌ ಇಂಡಿಯಾದ ಭಾರತದಲ್ಲಿನ ಮೊದಲ ವಾಹನ ‘ಎಂಜಿ ಹೆಕ್ಟರ್‌’ನ ಬುಕಿಂಗ್‌ ಇದೇ ಜೂನ್‌ 4ರಿಂದ ಆರಂಭಗೊಳ್ಳಲಿದೆ.
ಸಂಸ್ಥೆಯ ಅಂತರ್ಜಾಲ ತಾಣದಲ್ಲಿ (mgmotor.co.in) ಜೂನ್‌ 4ರ ಮಧ್ಯಾಹ್ನ 12 ಗಂಟೆಯಿಂದ ಬುಕಿಂಗ್‌ ಪ್ರಕ್ರಿಯೆಗೆ ಚಾಲನೆ ಸಿಗಲಿದೆ. ಹಲೋಲ್‌ ತಯಾರಿಕಾ ಘಟಕದಿಂದ ‘ಎಂಜಿ ಹೆಕ್ಟರ್‌’ ಶೀಘ್ರದಲ್ಲಿಯೇ ರಸ್ತೆಗೆ ಇಳಿಯಲಿದೆ.
ದೇಶದ 50 ಮಹಾನಗರಗಳಲ್ಲಿ ಕಾರ್‌ ಲಭ್ಯವಾಗಲಿದೆ. ದೇಶದ ಮೊದಲ ಇಂಟರ್‌ನೆಟ್‌ ಕಾರ್‌ ಇದಾಗಿದೆ. ಪೆಟ್ರೋಲ್‌ ಮತ್ತು ಡೀಸೆಲ್‌ ಮಾದರಿಯಲ್ಲಿ ದೊರೆಯಲಿದೆ ಎಂದು ಸಂಸ್ಥೆ ತಿಳಿಸಿದೆ.
