ಎಸ್‌ಎಂಸ್‌ ಮೂಲಕವೇ ‘ನಿಲ್’ ರಿಟರ್ನ್ಸ್
ಅಕ್ಷರ ಗಾತ್ರ :ಆ |ಆ |ಆ
ನವದೆಹಲಿ: ಎಸ್‌ಎಂಎಸ್‌ ಮೂಲಕವೇ ನಿಲ್ ರಿಟರ್ನ್ಸ್ ಸಲ್ಲಿಸುವ ವ್ಯವಸ್ಥೆಗೆ ಕೇಂದ್ರ ಸರ್ಕಾರ ಸೋಮವಾರ ಚಾಲನೆ ನೀಡಿದೆ.
ನೋಂದಾಯಿತ ಮೊಬೈಲ್‌ ಸಂಖ್ಯೆಯಿಂದ ನಿಲ್ ರಿಟರ್ನ್ಸ್ ಎಸ್‌ಎಂಎಸ್‌ ಅನ್ನು 14409ಗೆ ಕಳುಹಿಸಬೇಕು. ಒಟಿಪಿ ವ್ಯವಸ್ಥೆಯ ಮೂಲಕ ಅದರ ದೃಢೀಕರಣ ನಡೆಯಲಿದೆ. ಇದರಿಂದ 22 ಲಕ್ಷ ತೆರಿಗೆದಾರರಿಗೆ ಅನುಕೂಲವಾಗಲಿದೆ. ರಿಟರ್ನ್ಸ್ ಸಲ್ಲಿಸಲು ಜಾಲತಾಣಕ್ಕೆ ಲಾಗಿನ್‌ ಆಗುವ ರಗಳೆ ತಪ್ಪಲಿದೆ ಎಂದು ಹೇಳಿದೆ.
ಎಸ್‌ಎಂಎಸ್‌ ಮೂಲಕ ಜಿಎಸ್‌ಟಿಆರ್‌–3ಬಿಯಲ್ಲಿ ತಿಂಗಳ ನಿಲ್ ರಿಟರ್ನ್ಸ್ ಸಲ್ಲಿಸಬಹುದು ಎಂದು ಪರೋಕ್ಷ ತೆರಿಗೆಗಳ ಕೇಂದ್ರೀಯ ಮಂಡಳಿಯು (ಸಿಬಿಐಸಿ) ತಿಳಿಸಿದೆ.
ಯಾವುದೇ ಖರೀದಿ ವಹಿವಾಟು ನಡೆಸದೇ ಇದ್ದರೆ, ಇನ್‌ಪುಟ್‌ ಟ್ಯಾಕ್ಸ್‌ ಕ್ರೆಡಿಟ್‌ ಬೇಡಿಕೆ ಇಲ್ಲದಿದ್ದರೆ ಅಂತಹ ತೆರಿಗೆ ಪಾವತಿದಾರರು ‘ನಿಲ್’ ರಿಟರ್ನ್ಸ್ ತುಂಬಬಹುದು.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
