ನವದೆಹಲಿ: ಪ್ರಸಕ್ತ ಹಣಕಾಸು ವರ್ಷದಲ್ಲಿ ಭಾರತದ ಅರ್ಥ ವ್ಯವಸ್ಥೆಯ ಬೆಳವಣಿಗೆ ಪ್ರಮಾಣವು ಶೇಕಡ 9.1ರಷ್ಟು ಇರಲಿದೆ ಎಂದು ಮೂಡಿಸ್ ಅಂದಾಜಿಸಿದೆ.
ಅರ್ಥ ವ್ಯವಸ್ಥೆಯ ಬೆಳವಣಿಗೆ ಪ್ರಮಾಣವು ಶೇ 9.5ರಷ್ಟು ಆಗಬಹುದು ಎಂದು ಮೂಡಿಸ್ ಈ ಮೊದಲು ಅಂದಾಜು ಮಾಡಿತ್ತು.
ಕಚ್ಚಾ ತೈಲ ಬೆಲೆ ಏರಿಕೆ ಆಗಿರುವುದು ಮತ್ತು ರಸಗೊಬ್ಬರ ಆಮದು ವೆಚ್ಚ ಜಾಸ್ತಿ ಆಗಿರುವುದರಿಂದಾಗಿ ಸರ್ಕಾರವು ಬಂಡವಾಳ ವೆಚ್ಚಕ್ಕೆ ವಿನಿಯೋಗಿಸುವ ಮೊತ್ತವು ಕಡಿಮೆ ಆಗಬಹುದು ಎಂದು ಮೂಡಿಸ್ ಹೇಳಿದೆ.