ಬೆಂಗಳೂರು: ಕೊರೊನಾ ವೈರಸ್‌ ಪರಿಣಾಮವಾಗಿ ಜಾಗತಿಕ ತೈಲ ಬೇಡಿಕೆ ತಗ್ಗಿದೆ. ಇದರಿಂದಪೆಟ್ರೋಲ್‌ ದರ ಬುಧವಾರ ಏಳು ತಿಂಗಳ ಕನಿಷ್ಠ ಮಟ್ಟಕ್ಕೆ ಇಳಿಕೆಯಾಗಿದೆ.
ಬೆಂಗಳೂರಿನಲ್ಲಿ ಪೆಟ್ರೋಲ್‌ ದರ ತಿಂಗಳ ಹಿಂದೆ ಪ್ರತಿ ಲೀಟರಿಗೆ ₹ 78.56 ಇತ್ತು. ಇದು ಬುಧವಾರ ₹ 74.39ಕ್ಕೆ ಇಳಿಕೆ ಕಂಡಿದೆ. 2019ರ ಜುಲೈ 3 ರಂದು ಲೀಟರಿಗೆ ₹ 72.83ರಂತೆ ಮಾರಾಟವಾಗಿತ್ತು.
ಡೀಸೆಲ್‌ ದರವೂ ಒಂದು ತಿಂಗಳಿನಲ್ಲಿ ಶೇ 6ರಷ್ಟು ಇಳಿಕೆಯಾಗಿದ್ದು, ಜನವರಿ 11ರಂದು ₹ 71.48 ಇದ್ದ ದರವು ₹ 67.07ಕ್ಕೆ ಇಳಿಕೆಯಾಗಿದೆ. ಬ್ರೆಂಟ್‌ ತೈಲ ದರ ಒಂದು ತಿಂಗಳಿನಲ್ಲಿ ಶೇ 21ರಷ್ಟು ಇಳಿಕೆ ಆಗಿದೆ. ಇದರಿಂದ ಇಂಧನ ದರವೂ ಕಡಿಮೆಯಾಗಿದೆ.
