ನವದೆಹಲಿ: 2019–20ನೇ ಹಣಕಾಸು ವರ್ಷದ ನಾಲ್ಕನೇ ತ್ರೈಮಾಸಿಕದಲ್ಲಿ ನಿವ್ವಳ ನಷ್ಟವು ₹697 ಕೋಟಿಗಳಿಗೆ ಇಳಿಕೆಯಾಗಿದೆ ಎಂದು ಪಂಜಾಬ್ ನ್ಯಾಷನಲ್ ಬ್ಯಾಂಕ್ ತಿಳಿಸಿದೆ.
2018–19ನೇ ಹಣಕಾಸು ವರ್ಷದ ನಾಲ್ಕನೇ ತ್ರೈಮಾಸಿಕದಲ್ಲಿ ನಷ್ಟವು ₹4,750 ಕೋಟಿಗಳಷ್ಟಿತ್ತು.ಬ್ಯಾಂಕ್ನ ಒಟ್ಟಾರೆ ವರಮಾನವು ₹14,725 ಕೋಟಿಗಳಿಂದ ₹16,388 ಕೋಟಿಗಳಿಗೆ ಏರಿಕೆಯಾಗಿದೆ.ತ್ರೈಮಾಸಿಕದಲ್ಲಿ ಕಾರ್ಯಾಚರಣಾ ಲಾಭವು ₹2,861 ಕೋಟಿಗಳಿಂದ ₹3,932 ಕೋಟಿಗಳಿಗೆ ಏರಿಕೆ ಕಂಡಿದೆ.
ವಸೂಲಾಗದ ಸಾಲದ (ಎನ್ಪಿಎ) ಸರಾಸರಿ ಪ್ರಮಾಣ ಶೇ 15.50ರಿಂದ ಶೇ 14.21ಕ್ಕೆ ಇಳಿಕೆ ಕಂಡಿದೆ. ನಿವ್ವಳ ಎನ್ಪಿಎ ಶೇ 6.56 ರಿಂದ ಶೇ 5.78ಕ್ಕೆ ಇಳಿಕೆಯಾಗಿದೆ ಎಂದು ಹೇಳಿದೆ.ಒಟ್ಟಾರೆ ಹಣಕಾಸು ವರ್ಷಕ್ಕೆ ₹363 ಕೋಟಿ ಲಾಭ ಗಳಿಸಿದೆ. 2018–19ರಲ್ಲಿ ₹10,026 ಕೋಟಿ ನಷ್ಟ ಅನುಭವಿಸಿತ್ತು.