ನವದೆಹಲಿ: ಕೋಟ್ಯಧಿಪತಿ ಮುಕೇಶ್‌ ಅಂಬಾನಿ ಒಡೆತನದ ರಿಲಯನ್ಸ್‌ ಇಂಡಸ್ಟ್ರೀಸ್‌ನ ಡಿಜಿಟಲ್‌ ಘಟಕ ಜಿಯೊ ಪ್ಲಾಟ್‌ಫಾರ್ಮ್ಸ್‌ನಲ್ಲಿ ವೈರ್‌ಲೆಸ್‌ ತಂತ್ರಜ್ಞಾನದ ಪ್ರಮುಖ ಕಂಪನಿ ಕ್ವಾಲ್‌ಕಾಂ ವೆಂಚರ್ಸ್‌ ₹ 730 ಕೋಟಿ ಬಂಡವಾಳ ತೊಡಗಿಸಿದೆ.
ಜಿಯೊ ಪ್ಲಾಟ್‌ಫಾರ್ಮ್ಸ್‌ನ ಶೇ 0.15ರಷ್ಟು ಪಾಲು ಖರೀದಿಸಲು ಕ್ವಾಲ್‌ಕಾಂ ವೆಂಚರ್ಸ್‌ ಈ ಬಂಡವಾಳ ತೊಡಗಿಸಿದೆ. ಏಪ್ರಿಲ್‌ನಿಂದೀಚೆಗೆ ಜಿಯೊ ಪ್ಲಾಟ್‌ಫಾರ್ಮ್ಸ್‌ನಲ್ಲಿ ಒಟ್ಟಾರೆ ₹ 1.18 ಲಕ್ಷ ಕೋಟಿ ಬಂಡವಾಳ ಹೂಡಿಕೆಯಾಗಿದೆ.
ದೇಶದಲ್ಲಿ ಜಿಯೊ ಜಾರಿಗೊಳಿಸಲಿರುವ 5ಜಿ ಮೊಬೈಲ್‌ ತಂತ್ರಜ್ಞಾನದ ಮೂಲಸೌಕರ್ಯ ಮತ್ತು ಸೇವೆ ಅಳವಡಿಕೆಗೆ ಈ ಹೂಡಿಕೆ ನೆರವಾಗಲಿದೆ ಎಂದು ಕ್ವಾಲ್‌ಕಾಂ ತಿಳಿಸಿದೆ.
