ನವದೆಹಲಿ: ಈ ವರ್ಷದ ಜನ ವರಿ 1ರ ನಂತರ ರುಪೇ ಕಾರ್ಡ್ ಅಥವಾ ಭೀಮ್–ಯುಪಿಐ ಮೂಲಕ ನಡೆಸಿದ ವಹಿವಾಟುಗಳಿಗೆ ಯಾವುದಾದರೂ ಶುಲ್ಕ ವಿಧಿಸಿದ್ದಿದ್ದರೆ ಅದನ್ನು ಹಿಂದಿರುಗಿಸಬೇಕು ಎಂದು ಆದಾಯ ತೆರಿಗೆ ಇಲಾಖೆಯು ಬ್ಯಾಂಕುಗಳಿಗೆ ಸೂಚಿಸಿದೆ.
ಈ ಮಾದರಿಯಲ್ಲಿ ಇನ್ನು ಮುಂದೆ ನಡೆಯುವ ವಹಿವಾಟುಗಳಿಗೆ ಯಾವುದೇ ಶುಲ್ಕ ವಿಧಿಸದಂತೆಯೂ ಇಲಾಖೆ ನಿರ್ದೇಶನ ನೀಡಿದೆ. ಯುಪಿಐ ಮೂಲಕ ನಡೆಸುವ ವಹಿವಾಟುಗಳಿಗೆ ಕೆಲವು ಬ್ಯಾಂಕುಗಳು ಶುಲ್ಕ ವಿಧಿಸುತ್ತಿವೆ ಎಂಬ ದೂರುಗಳು ಇಲಾಖೆಗೆ ಬಂದಿದ್ದವು.
