ನವದೆಹಲಿ: ನ್ಯೂಯಾರ್ಕ್ನ ಐಷಾರಾಮಿ ಹೋಟೆಲ್ ಮ್ಯಾಂಡರೀನ್ ಓರಿಯಂಟಲ್ಅನ್ನು ಒಟ್ಟು ₹ 729 ಕೋಟಿ ಪಾವತಿಸಿ ಖರೀದಿಸುತ್ತಿರುವುದಾಗಿ ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ತಿಳಿಸಿದೆ.
ಈ ಹೋಟೆಲ್ 2003ರಲ್ಲಿ ಆರಂಭವಾಗಿದೆ. ಈ ಹೋಟೆಲ್ ಖರೀದಿಸುತ್ತಿರುವ ವಿಷಯವನ್ನು ರಿಲಯನ್ಸ್ ಕಂಪನಿಯು ಷೇರುಪೇಟೆಗೆ ತಿಳಿಸಿದೆ. 2021ರ ಏಪ್ರಿಲ್ನಲ್ಲಿ ರಿಲಯನ್ಸ್ ಕಂಪನಿಯು ಐಷಾರಾಮಿ ಹೋಟೆಲ್, ಸ್ಪಾ, ಗಾಲ್ಫ್ ಕ್ಲಬ್ ಸೌಲಭ್ಯ ಇರುವ ಬ್ರಿಟನ್ನಿನ ಸ್ಟೋಕ್ ಪಾರ್ಕ್ ಲಿಮಿಟೆಡ್ಅನ್ನು ಖರೀದಿಸಿತ್ತು.
