ನವದೆಹಲಿ: ಷೇರುಪೇಟೆಯಲ್ಲಿ ನೋಂದಾಯಿತ ಐ.ಟಿ ಕಂಪನಿ ಎಚ್‌ಸಿಎಲ್‌ ಟೆಕ್ನಾಲಜೀಸ್‌ನ ಮೊದಲ ಮಹಿಳಾ ಅಧ್ಯಕ್ಷೆಯಾಗಿ ರೋಶನಿ ನಾಡಾರ್ ಮಲ್ಹೋತ್ರ ನೇಮಕವಾಗಿದ್ದಾರೆ.
ಕಂಪನಿ ಅಧ್ಯಕ್ಷ ಶಿವ ನಾಡಾರ್ ಅವರು ಅಧಿಕಾರದಿಂದ ಕೆಳಗಿಳಿದಿದ್ದು, ಅವರ ಮಗಳು ರೋಶನಿ ಅವರನ್ನು ತಕ್ಷಣದಿಂದ ಜಾರಿಗೆ ಬರುವಂತೆ ಹೊಸ ಅಧ್ಯಕ್ಷೆಯಾಗಿ ನೇಮಿಸಲಾಗಿದೆ ಎಂದು ಕಂಪನಿ ಶುಕ್ರವಾರ ಘೋಷಿಸಿದೆ.
ಎಚ್‌ಸಿಎಲ್‌ ಕಾರ್ಪೊರೇಷನ್‌ನ ಸಿಇಒ ಆಗಿಯೂ ಅವರು ಮುಂದುವರಿಯಲಿದ್ದಾರೆ. ದೇಶದ ಅತ್ಯಂತ ಸಿರಿವಂತ ಮಹಿಳೆ ರೋಶನಿ, 2013ರಲ್ಲಿ ಕಂಪನಿಯ ಆಡಳಿತ ಮಂಡಳಿ ಸೇರಿದರು. ಬಳಿಕ ಉಪಾಧ್ಯಕ್ಷೆಯಾದ್ದರು. ಶಿವ ನಾಡಾರ್ ಅವರು ಕಂಪನಿಯ ವ್ಯವಸ್ಥಾಪಕ ನಿರ್ದೇಶಕ ಹುದ್ದೆಯಲ್ಲಿ ಮುಂದುವರಿಯಲಿದ್ದಾರೆ.
