<p><strong>ನವದೆಹಲಿ:</strong> ಒಡಿಶಾದ ಗ್ರಾಮೀಣ ಪ್ರದೇಶ ಹಾಗೂ ಪಂಜಾಬ್ನ ನಗರ ಪ್ರದೇಶದ ವ್ಯಾಪ್ತಿಯಲ್ಲಿ ಮಾಸಿಕ ಗೃಹಬಳಕೆ ವೆಚ್ಚದ (ಎಂಪಿಸಿಇ) ಪ್ರಮಾಣದಲ್ಲಿ ಗರಿಷ್ಠ ಏರಿಕೆಯಾಗಿದೆ ಎಂದು ಕುಟುಂಬ ಗೃಹಬಳಕೆ ವೆಚ್ಚ ಸಮೀಕ್ಷೆ ಹೇಳಿದೆ.</p>.<p>2023ರ ಆಗಸ್ಟ್ನಿಂದ 2024ರ ಜುಲೈವರೆಗೆ ಈ ಸಮೀಕ್ಷೆ ನಡೆಸಲಾಗಿದೆ. 2023–24ರಲ್ಲಿ ದೇಶದ ಪ್ರಮುಖ 18 ರಾಜ್ಯಗಳಲ್ಲಿ ಗೃಹಬಳಕೆಯ ಸರಾಸರಿ ವೆಚ್ಚದಲ್ಲಿ ಹೆಚ್ಚಳವಾಗಿದೆ.</p>.<p>ಒಡಿಶಾದ ಗ್ರಾಮೀಣ ಪ್ರದೇಶದಲ್ಲಿ ಶೇ 14ರಷ್ಟು ಹಾಗೂ ಪಂಜಾಬ್ನ ನಗರ ಪ್ರದೇಶಗಳಲ್ಲಿ ಶೇ 13ರಷ್ಟು ಏರಿಕೆಯಾಗಿದೆ ಎಂದು ಕೇಂದ್ರ ಸಾಂಖ್ಯಿಕ ಮತ್ತು ಕಾರ್ಯಕ್ರಮ ಅನುಷ್ಠಾನ ಸಚಿವಾಲಯ ಗುರುವಾರ ತಿಳಿಸಿದೆ.</p>.<p>ಮಹಾರಾಷ್ಟ್ರದ ಗ್ರಾಮೀಣ ಮತ್ತು ನಗರ ಪ್ರದೇಶದಲ್ಲಿ ಸರಾಸರಿ ಶೇ 3ರಷ್ಟು ಹಾಗೂ ಕರ್ನಾಟಕದಲ್ಲಿ ಶೇ 5ರಷ್ಟು ಏರಿಕೆಯಾಗಿದೆ ಎಂದು ಹೇಳಿದೆ.</p>.<p>18 ರಾಜ್ಯಗಳ ಗ್ರಾಮೀಣ ಮತ್ತು ನಗರ ಪ್ರದೇಶಗಳಲ್ಲಿನ ಗೃಹಬಳಕೆ ವೆಚ್ಚದಲ್ಲಿ ಅಗಾಧ ವ್ಯತ್ಯಾಸವಿದೆ. 2022–23ನೇ ಸಾಲಿಗೆ ಹೋಲಿಸಿದರೆ 2023–24ರಲ್ಲಿ 11 ರಾಜ್ಯಗಳ ನಗರ ಮತ್ತು ಗ್ರಾಮೀಣ ಪ್ರದೇಶದಲ್ಲಿನ ಗೃಹಬಳಕೆಯ ಅಂತರ ಕಡಿಮೆಯಾಗಿದೆ ಎಂದು ವಿವರಿಸಿದೆ. </p>.<p>ಗ್ರಾಮೀಣ ಪ್ರದೇಶದಲ್ಲಿ ಹಾಲು ಹಾಗೂ ಹಾಲಿನ ಉತ್ಪನ್ನಗಳು (ಶೇ 8.44ರಷ್ಟು), ತರಕಾರಿ (ಶೇ 6.03) ವೆಚ್ಚಕ್ಕೆ ಹೋಲಿಸಿದರೆ ಪಾನೀಯ, ಉಪಹಾರ, ಸಂಸ್ಕರಿತ ಆಹಾರದ (ಶೇ 9.84) ಬಳಕೆಗೆ ಹೆಚ್ಚು ವೆಚ್ಚ ಮಾಡಲಾಗುತ್ತಿದೆ. ಧಾನ್ಯಗಳಿಗೆ ಮಾಡುವ ವೆಚ್ಚವು ಶೇ 4.99ರಷ್ಟಿದೆ ಎಂದು ತಿಳಿಸಿದೆ.</p>.<p>ಆಹಾರೇತರ ವಿಭಾಗದಲ್ಲಿ ಸಾಗಣೆ (ಶೇ 7.59), ವೈದ್ಯಕೀಯ (ಶೇ 6.83), ಬಟ್ಟೆ, ಹಾಸಿಗೆ ಮತ್ತು ಪಾದರಕ್ಷೆ (ಶೇ 6.63) ಹಾಗೂ ದೀರ್ಘಕಾಲಿಕ ಬಾಳಿಕೆ ಬರುವ ವಸ್ತುಗಳ ಮೇಲಿನ ವೆಚ್ಚವು (ಶೇ 6.48ರಷ್ಟು) ಹೆಚ್ಚಿದೆ ಎಂದು ವಿವರಿಸಿದೆ.</p>.<p>ನಗರ ಪ್ರದೇಶಗಳಲ್ಲಿ ಉಪಹಾರ ಮತ್ತು ಸಂಸ್ಕರಿತ ಆಹಾರ (ಶೇ 11.09), ಹಾಲು ಮತ್ತು ಹಾಲಿನ ಉತ್ಪನ್ನ (ಶೇ 7.19) ಮತ್ತು ತರಕಾರಿಗಳ ಖರೀದಿಗೆ ಮಾಡುವ ವೆಚ್ಚವು (ಶೇ 4.12) ಹೆಚ್ಚಿದೆ ಎಂದು ತಿಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಒಡಿಶಾದ ಗ್ರಾಮೀಣ ಪ್ರದೇಶ ಹಾಗೂ ಪಂಜಾಬ್ನ ನಗರ ಪ್ರದೇಶದ ವ್ಯಾಪ್ತಿಯಲ್ಲಿ ಮಾಸಿಕ ಗೃಹಬಳಕೆ ವೆಚ್ಚದ (ಎಂಪಿಸಿಇ) ಪ್ರಮಾಣದಲ್ಲಿ ಗರಿಷ್ಠ ಏರಿಕೆಯಾಗಿದೆ ಎಂದು ಕುಟುಂಬ ಗೃಹಬಳಕೆ ವೆಚ್ಚ ಸಮೀಕ್ಷೆ ಹೇಳಿದೆ.</p>.<p>2023ರ ಆಗಸ್ಟ್ನಿಂದ 2024ರ ಜುಲೈವರೆಗೆ ಈ ಸಮೀಕ್ಷೆ ನಡೆಸಲಾಗಿದೆ. 2023–24ರಲ್ಲಿ ದೇಶದ ಪ್ರಮುಖ 18 ರಾಜ್ಯಗಳಲ್ಲಿ ಗೃಹಬಳಕೆಯ ಸರಾಸರಿ ವೆಚ್ಚದಲ್ಲಿ ಹೆಚ್ಚಳವಾಗಿದೆ.</p>.<p>ಒಡಿಶಾದ ಗ್ರಾಮೀಣ ಪ್ರದೇಶದಲ್ಲಿ ಶೇ 14ರಷ್ಟು ಹಾಗೂ ಪಂಜಾಬ್ನ ನಗರ ಪ್ರದೇಶಗಳಲ್ಲಿ ಶೇ 13ರಷ್ಟು ಏರಿಕೆಯಾಗಿದೆ ಎಂದು ಕೇಂದ್ರ ಸಾಂಖ್ಯಿಕ ಮತ್ತು ಕಾರ್ಯಕ್ರಮ ಅನುಷ್ಠಾನ ಸಚಿವಾಲಯ ಗುರುವಾರ ತಿಳಿಸಿದೆ.</p>.<p>ಮಹಾರಾಷ್ಟ್ರದ ಗ್ರಾಮೀಣ ಮತ್ತು ನಗರ ಪ್ರದೇಶದಲ್ಲಿ ಸರಾಸರಿ ಶೇ 3ರಷ್ಟು ಹಾಗೂ ಕರ್ನಾಟಕದಲ್ಲಿ ಶೇ 5ರಷ್ಟು ಏರಿಕೆಯಾಗಿದೆ ಎಂದು ಹೇಳಿದೆ.</p>.<p>18 ರಾಜ್ಯಗಳ ಗ್ರಾಮೀಣ ಮತ್ತು ನಗರ ಪ್ರದೇಶಗಳಲ್ಲಿನ ಗೃಹಬಳಕೆ ವೆಚ್ಚದಲ್ಲಿ ಅಗಾಧ ವ್ಯತ್ಯಾಸವಿದೆ. 2022–23ನೇ ಸಾಲಿಗೆ ಹೋಲಿಸಿದರೆ 2023–24ರಲ್ಲಿ 11 ರಾಜ್ಯಗಳ ನಗರ ಮತ್ತು ಗ್ರಾಮೀಣ ಪ್ರದೇಶದಲ್ಲಿನ ಗೃಹಬಳಕೆಯ ಅಂತರ ಕಡಿಮೆಯಾಗಿದೆ ಎಂದು ವಿವರಿಸಿದೆ. </p>.<p>ಗ್ರಾಮೀಣ ಪ್ರದೇಶದಲ್ಲಿ ಹಾಲು ಹಾಗೂ ಹಾಲಿನ ಉತ್ಪನ್ನಗಳು (ಶೇ 8.44ರಷ್ಟು), ತರಕಾರಿ (ಶೇ 6.03) ವೆಚ್ಚಕ್ಕೆ ಹೋಲಿಸಿದರೆ ಪಾನೀಯ, ಉಪಹಾರ, ಸಂಸ್ಕರಿತ ಆಹಾರದ (ಶೇ 9.84) ಬಳಕೆಗೆ ಹೆಚ್ಚು ವೆಚ್ಚ ಮಾಡಲಾಗುತ್ತಿದೆ. ಧಾನ್ಯಗಳಿಗೆ ಮಾಡುವ ವೆಚ್ಚವು ಶೇ 4.99ರಷ್ಟಿದೆ ಎಂದು ತಿಳಿಸಿದೆ.</p>.<p>ಆಹಾರೇತರ ವಿಭಾಗದಲ್ಲಿ ಸಾಗಣೆ (ಶೇ 7.59), ವೈದ್ಯಕೀಯ (ಶೇ 6.83), ಬಟ್ಟೆ, ಹಾಸಿಗೆ ಮತ್ತು ಪಾದರಕ್ಷೆ (ಶೇ 6.63) ಹಾಗೂ ದೀರ್ಘಕಾಲಿಕ ಬಾಳಿಕೆ ಬರುವ ವಸ್ತುಗಳ ಮೇಲಿನ ವೆಚ್ಚವು (ಶೇ 6.48ರಷ್ಟು) ಹೆಚ್ಚಿದೆ ಎಂದು ವಿವರಿಸಿದೆ.</p>.<p>ನಗರ ಪ್ರದೇಶಗಳಲ್ಲಿ ಉಪಹಾರ ಮತ್ತು ಸಂಸ್ಕರಿತ ಆಹಾರ (ಶೇ 11.09), ಹಾಲು ಮತ್ತು ಹಾಲಿನ ಉತ್ಪನ್ನ (ಶೇ 7.19) ಮತ್ತು ತರಕಾರಿಗಳ ಖರೀದಿಗೆ ಮಾಡುವ ವೆಚ್ಚವು (ಶೇ 4.12) ಹೆಚ್ಚಿದೆ ಎಂದು ತಿಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
