ನವದೆಹಲಿ: ಇಲ್ಲಿನ ಚಿನಿವಾರ ಪೇಟೆಯಲ್ಲಿ ಸತತ ಮೂರನೇ ದಿನವಾದ ಬುಧವಾರವೂ ಬೆಳ್ಳಿ ದರ ಏರಿಕೆಯಾಗಿದ್ದು, ಪ್ರತಿ ಕೆ.ಜಿ ಧಾರಣೆಯು ₹1 ಲಕ್ಷದತ್ತ ಸಮೀಪಿಸುತ್ತಿದೆ.
ಕೆ.ಜಿ ಬೆಳ್ಳಿ ದರವು ₹1,150 ಏರಿಕೆಯಾಗಿದ್ದು, ಸಾರ್ವಕಾಲಿಕ ಗರಿಷ್ಠ ಮಟ್ಟವಾದ ₹97,100ಕ್ಕೆ ತಲುಪಿದೆ.
ಚಿನ್ನದ ದರವು 10 ಗ್ರಾಂ ಗೆ ₹250 ಹೆಚ್ಚಳವಾಗಿ ₹73,200ಕ್ಕೆ ಮುಟ್ಟಿದೆ.
‘ಕೆಂಪು ಸಮುದ್ರದ ಬಿಕ್ಕಟ್ಟು ಮುಂದುವರಿದಿದೆ. ಹಾಗಾಗಿ, ಹೂಡಿಕೆದಾರರು ಸುರಕ್ಷಿತ ಹೂಡಿಕೆಯತ್ತ ಮುಖ ಮಾಡಿದ್ದಾರೆ. ಹಾಗಾಗಿ, ಚಿನ್ನದ ದರವು ಏರಿಕೆಯಾಗುತ್ತಿದೆ’ ಎಂದು ಮಾರುಕಟ್ಟೆ ತಜ್ಞರು ತಿಳಿಸಿದ್ದಾರೆ.
