ದೂರಸಂರ್ಪಕ ಸೇವಾ ಕಂಪನಿಗಳು ತಕ್ಷಣಕ್ಕೆ ಸೇವಾ ಶುಲ್ಕ ಹೆಚ್ಚಿನ ಸಾಧ್ಯತೆ ಇಲ್ಲ. ಮುಂದಿನ 12ರಿಂದ 18 ತಿಂಗಳ ಅವಧಿಯಲ್ಲಿ ಸೇವಾ ಶುಲ್ಕ ಏರಿಕೆ ಮಾಡುವ ಸಾಧ್ಯತೆ ಹೆಚ್ಚಿದೆ ಎಂದು ಐಐಎಫ್ಎಲ್ ಹೇಳಿದೆ. ‘ಜಿಯೊ ಕಂಪನಿಯ ಪ್ರವೇಶದ ನಂತರ ದೂರಸಂಪರ್ಕ ಉದ್ದಿಮೆ ವಲಯದಲ್ಲಿ ಆದ ಬದಲಾವಣೆಗಳಿಂದಾಗಿ ಒಟ್ಟು ನಾಲ್ಕು ಕಂಪನಿಗಳು ಉಳಿದುಕೊಳ್ಳುವ ಸ್ಥಿತಿ ಉಂಟಾಯಿತು. ನಮ್ಮ ಪ್ರಕಾರ, ಈಗ ಉದ್ದಿಮೆಯು ಬಹುತೇಕ ಎರಡೇ ಕಂಪನಿಗಳ ವ್ಯವಸ್ಥೆಯತ್ತ ಸಾಗುತ್ತಿದೆ. ವೊಡಾಫೋನ್ ಐಡಿಯಾ ಕಂಪನಿಯು ಹಣಕಾಸಿನ ಸಂಕಷ್ಟಕ್ಕೆ ಸಿಲುಕಿದೆ, ಅದು ಆದಾಯದ ಪಾಲು ಕಳೆದುಕೊಳ್ಳುವ ಸಾಧ್ಯತೆ ಇದೆ’ ಎಂದು ಐಐಎಫ್ಎಲ್ ಅಭಿಪ್ರಾಯ ವ್ಯಕ್ತಪಡಿಸಿದೆ.