ನವದೆಹಲಿ: ಸಗಟು ಬೆಲೆ ಆಧರಿಸಿದ ಹಣದುಬ್ಬರವು ಮೇ ತಿಂಗಳಲ್ಲಿ 22 ತಿಂಗಳ ಕನಿಷ್ಠ ಮಟ್ಟವಾದ ಶೇ 2.45ಕ್ಕೆ ಕುಸಿದಿದೆ.
2017ರ ಜುಲೈನಲ್ಲಿ ಇದು ಶೇ 1.88ರಷ್ಟಿತ್ತು. ಆಹಾರ ಪದಾರ್ಥ, ಇಂಧನ ಮತ್ತು ವಿದ್ಯುತ್ ಬೆಲೆ ಕುಸಿತದಿಂದ ಹಣದುಬ್ಬರ ಕಡಿಮೆಯಾಗಿದೆ. ಸಗಟು ಬೆಲೆ ಸೂಚ್ಯಂಕ (ಡಬ್ಲ್ಯುಪಿಐ) ಆಧರಿಸಿದ ಹಣದುಬ್ಬರ ಏಪ್ರಿಲ್ನಲ್ಲಿ ಶೇ 3.07ರಷ್ಟಿತ್ತು. 2018ರ ಮೇನಲ್ಲಿ ಶೇ 4.78 ರಷ್ಟು ದಾಖಲಾಗಿತ್ತು.
ಏಪ್ರಿಲ್ನಲ್ಲಿ ಶೇ 7.37ರಷ್ಟಿದ್ದ ಆಹಾರ ಪದಾರ್ಥಗಳ ಹಣದುಬ್ಬರವು ಮೇನಲ್ಲಿ ಶೇ 6.99ಕ್ಕೆ ಇಳಿದಿದೆ.
