ಶುಕ್ರವಾರ, ಫೆಬ್ರವರಿ 28, 2020
19 °C
ಮುಂಬೈ ಷೇರುಪೇಟೆ ಸೂಚ್ಯಂಕದ ಏರಿಳಿತ: ವಾರದ ಗಳಿಕೆ ಅತ್ಯಲ್ಪ

ಸಂಪತ್ತು ಹೆಚ್ಚಿಸದ ವಹಿವಾಟು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಮುಂಬೈ (ಪಿಟಿಐ): ದೇಶದ ಷೇರುಪೇಟೆಗಳಲ್ಲಿ ವಾರದ ವಹಿವಾಟು ಸಾರ್ವಕಾಲಿಕ ದಾಖಲೆ ಮಟ್ಟದಲ್ಲಿ ನಡೆದರೂ, ಹೂಡಿಕೆದಾರರ ಸಂಪತ್ತಿನಲ್ಲಿ ಯಾವುದೇ ಏರಿಕೆ ಕಂಡುಬಂದಿಲ್ಲ.

ಮುಂಬೈ ಷೇರುಪೇಟೆ (ಬಿಎಸ್‌ಇ) ಸಂವೇದಿ ಸೂಚ್ಯಂಕ ವಾರದಲ್ಲಿ ಕೇವಲ 2 ಅಂಶ ಹೆಚ್ಚಾಗಿ 40,359 ಅಂಶಗಳಿಗೆ ತಲುಪಿದೆ. ಷೇರುಪೇಟೆಯು 40 ಸಾವಿರದ ಗಡಿಗಿಂತಲೂ ಮೇಲ್ಮಟ್ಟದಲ್ಲಿ ವಹಿವಾಟು ನಡೆಸುತ್ತಿರುವುದು ಉತ್ತಮ ಬೆಳವಣಿಗೆಯಾಗಿದೆ. ಆದರೆ ಈ ಬೆಳವಣಿಗೆಯು ಹೂಡಿಕೆದಾರರ ಸಂಪತ್ತಿನಲ್ಲಾಗಲಿ ಅಥವಾ ಒಟ್ಟಾರೆ ಮಾರುಕಟ್ಟೆಯ ಮೌಲ್ಯದಲ್ಲಾಗಲಿ ಕಂಡುಬರುತ್ತಿಲ್ಲ.

ನವೆಂಬರ್‌ 18ರ ಅಂತ್ಯಕ್ಕೆ ಷೇರುಪೇಟೆಯ ಬಂಡವಾಳ ಮೌಲ್ಯ ₹152.44 ಲಕ್ಷ ಕೋಟಿಗಳಷ್ಟಿತ್ತು. ಇದು ನವೆಂಬರ್‌ 22ರ ಅಂತ್ಯಕ್ಕೆ ₹152.77 ಲಕ್ಷ ಕೋಟಿಗೆ ಅತ್ಯಲ್ಪ ಏರಿಕೆ ಕಂಡಿದೆ. ನವೆಂಬರ್ 1 ರಿಂದ 22ರವರೆಗಿನ ವಹಿವಾಟನ್ನು ಗಮನಿಸಿದರೆ, ಹೂಡಿಕೆದಾರರ ಸಂಪತ್ತಿನಲ್ಲಿ ₹1.37 ಲಕ್ಷ ಕೋಟಿಗಳಷ್ಟು ಕರಗಿದ್ದು, ಮಾರುಕಟ್ಟೆ ಮೌಲ್ಯ ₹154.10 ಲಕ್ಷ ಕೋಟಿಗಳಿಂದ ₹152.77 ಲಕ್ಷ ಕೋಟಿಗಳಿಗೆ ಇಳಿಕೆಯಾಗಿದೆ.

ಕೆಲವು ಕಂಪನಿಗಳ ಷೇರುಗಳಲ್ಲಿ ಕಂಡುಬರುತ್ತಿರುವ ಲಾಭ ಗಳಿಕೆ ಉದ್ದೇಶದ ವಹಿವಾಟಿನಿಂದಾಗಿ ಷೇರುಗಳ ಮೌಲ್ಯದಲ್ಲಿ ಇಳಿಕೆಯಾಗುತ್ತಿದೆ. ಹೀಗಾಗಿ ಸೂಚ್ಯಂಕಗಳು ಏರಿಕೆ ಕಂಡರೂ ವಹಿವಾಟಿನ ಒಟ್ಟಾರೆ ಮೊತ್ತದಲ್ಲಿ ಹೆಚ್ಚಿನ ವ್ಯತ್ಯಾಸವಾಗುತ್ತಿಲ್ಲ. 

ಎಫ್‌ಪಿಐ ಒಳಹರಿವು: ವಿದೇಶಿ ಸಾಂಸ್ಥಿಕ ಹೂಡಿಕೆದಾರರು (ಎಫ್‌ಪಿಐ) ವಾರದ ವಹಿವಾಟಿನಲ್ಲಿ
₹5,897 ಕೋಟಿ ಮೌಲ್ಯದ ಷೇರುಗಳನ್ನು ಖರೀದಿಸಿದ್ದರೆ ₹1,186 ಕೋಟಿ ಮೌಲ್ಯದ ಷೇರುಗಳನ್ನು ಮಾರಾಟ ಮಾಡಿದ್ದಾರೆ. 

 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು