<p><strong>ನವದೆಹಲಿ(ಪಿಟಿಐ): </strong>ದೇಶದಲ್ಲಿ ಕಾರುಗಳ ಮಾರಾಟ ಮೇ ತಿಂಗಳಲ್ಲಿ ಶೇ 12.26ರಷ್ಟು ಕುಸಿತ ಕಂಡಿದೆ. ಏಳು ತಿಂಗಳಿಂದಲೂ ಕಾರು ಮಾರಾಟ ಸತತ ಇಳಿಮುಖವಾಗಿಯೇ ಸಾಗಿದೆ.<br /> <br /> ದೇಶದ ವಾಹನ ಉದ್ಯಮ ಕ್ಷೇತ್ರದಲ್ಲಿ ಕಾರುಗಳ ಮಾರಾಟದಲ್ಲಿನ ಕುಸಿತ ಹೀಗೆ ನಿರಂತರವಾಗಿರುವುದನ್ನು ನೋಡಿದರೆ ಮುಂದಿನ ದಿನಗಳಲ್ಲಿ ಇದು ಉದ್ಯೋಗ ಕಡಿತ ಕ್ರಮಕ್ಕೂ ಕಾರಣವಾಗಬಹುದು ಎಂದು `ಭಾರತೀಯ ವಾಹನ ತಯಾರಿಕಾ ಕಂಪೆನಿಗಳ ಸಂಘಟನೆ'(ಎಸ್ಐಎಎಂ) ಕಳವಳ ವ್ಯಕ್ತಪಡಿಸಿದೆ.<br /> <br /> `ಎಸ್ಐಎಎಂ' ಬಿಡುಗಡೆ ಮಾಡಿದ ಅಂಕಿ-ಅಂಶ ಪ್ರಕಾರ ಮೇ ತಿಂಗಳಲ್ಲಿ 1,43,216 ಕಾರು ಮಾರಾಟವಾಗಿದೆ. 2012ರ ಇದೇ ತಿಂಗಳು 1,63,222 ಕಾರುಗಳು ಮಾರಾಟವಾಗಿದ್ದವು.<br /> <br /> ಈ ಬಾರಿ ಕಾರು ಮಾರಾಟದಲ್ಲಿ ಮಾರುತಿ ಸುಜುಕಿ ಶೇ 8.25, ಟಾಟಾ ಮೋಟಾರ್ಸ್ ಶೇ 48.60ರಷ್ಟು ಕುಸಿತ ಕಂಡಿವೆ. ಹೋಂಡಾ ಕಾರ್ಸ್ ಇಂಡಿಯಾ ಶೇ 9.31ರಷ್ಟು ಮತ್ತು ಹುಂಡೈ ಮೋಟಾರ್ ಇಂಡಿಯಾ ಶೇ 0.35ರಷ್ಟು ಅಲ್ಪ ಪ್ರಮಾಣದ ಏರಿಕೆ ದಾಖಲಿಸಿವೆ.<br /> <br /> `2012ರ ನವೆಂಬರ್ನಿಂದಲೂ ಕಾರುಗಳ ಮಾರಾಟ ಕಡಿಮೆ ಆಗುತ್ತಲೇ ಬರುತ್ತಿದೆ. 2008-09ನೇ ಸಾಲಿನಲ್ಲಿ ಜಾಗತಿಕ ಆರ್ಥಿಕ ಹಿಂಜರಿತ ಇದ್ದ ಸಂದರ್ಭದಲ್ಲಿಯೂ ಇಂಥ ಪರಿಸ್ಥಿತಿ ಎದುರಾಗಿರಲಿಲ್ಲ. ಇದು ದೇಶದ ವಾಹನ ಉದ್ಯಮಕ್ಕೆ ನಿಜಕ್ಕೂ ಚಿಂತೆ ತಂದಿದೆ' ಎಂದು `ಎಸ್ಐಎಎಂ' ಮಹಾ ನಿರ್ದೇಶಕ ವಿಷ್ಣು ಮಾಥುರ್ ಇಲ್ಲಿ ಬುಧವಾರ ಸುದ್ದಿಗಾರರಿಗೆ ಪ್ರತಿಕ್ರಿಯಿಸಿದರು.<br /> <br /> ಒಟ್ಟಾರೆ ಮಂದಗತಿ ಆರ್ಥಿಕ ಪಗ್ರತಿ, ಹಣದುಬ್ಬರ ಮತ್ತು ಬಡ್ಡಿದರ ಗರಿಷ್ಠ ಮಟ್ಟದಲ್ಲಿರುವುದು, ಅದೇ ವೇಳೆ ಗ್ರಾಹಕರ ಖರೀದಿ ಆಸಕ್ತಿ ತಗ್ಗಿರುವುದು, ಜತೆಗೆ ಉದ್ಯೋಗ ಅಭದ್ರತೆ ಭೀತಿಯೂ ಸೇರಿಕೊಂಡು ಕಾರು ಮಾರಾಟ ಕುಸಿಯುವಂತೆ ಮಾಡಿವೆ ಎಂದು ಅವರು ವಿಶ್ಲೇಷಿಸಿದ್ದಾರೆ. 1997-98ರ ಏಪ್ರಿಲ್ನಲ್ಲಿಯೂ ಕಾರು ಮಾರಾಟ ಶೇ 10.43ರಷ್ಟು ಕುಸಿದಿತ್ತು. ಆಗ 1,50,789 ಕಾರು ಮಾರಾಟವಾಗಿದ್ದವು.<br /> <br /> ಮೇ ತಿಂಗಳಲ್ಲಿ 8,81,288 ಮೋಟಾರ್ ಬೈಕ್ ಮಾರಾಟವಾಗಿದ್ದು, ಶೇ 0.72ರಷ್ಟು ಕುಸಿತವಾಗಿದೆ. ಇದೇ ವೇಳೆ ಸ್ಕೂಟರ್ಗಳಿಗೆ ಮಾತ್ರ ಬೇಡಿಕೆ ಹೆಚ್ಚುತ್ತಿದೆ. 2012ರ ಮೇ ತಿಂಗಳಲ್ಲಿ 2.35 ಲಕ್ಷ ಸ್ಕೂಟರ್ ಮಾರಾಟವಾಗಿದ್ದರೆ, 2013ರ ಮೇನಲ್ಲಿ 2.66 ಲಕ್ಷಕ್ಕೇರಿದೆ. ಶೇ 13 ಪ್ರಗತಿ ದಾಖಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ(ಪಿಟಿಐ): </strong>ದೇಶದಲ್ಲಿ ಕಾರುಗಳ ಮಾರಾಟ ಮೇ ತಿಂಗಳಲ್ಲಿ ಶೇ 12.26ರಷ್ಟು ಕುಸಿತ ಕಂಡಿದೆ. ಏಳು ತಿಂಗಳಿಂದಲೂ ಕಾರು ಮಾರಾಟ ಸತತ ಇಳಿಮುಖವಾಗಿಯೇ ಸಾಗಿದೆ.<br /> <br /> ದೇಶದ ವಾಹನ ಉದ್ಯಮ ಕ್ಷೇತ್ರದಲ್ಲಿ ಕಾರುಗಳ ಮಾರಾಟದಲ್ಲಿನ ಕುಸಿತ ಹೀಗೆ ನಿರಂತರವಾಗಿರುವುದನ್ನು ನೋಡಿದರೆ ಮುಂದಿನ ದಿನಗಳಲ್ಲಿ ಇದು ಉದ್ಯೋಗ ಕಡಿತ ಕ್ರಮಕ್ಕೂ ಕಾರಣವಾಗಬಹುದು ಎಂದು `ಭಾರತೀಯ ವಾಹನ ತಯಾರಿಕಾ ಕಂಪೆನಿಗಳ ಸಂಘಟನೆ'(ಎಸ್ಐಎಎಂ) ಕಳವಳ ವ್ಯಕ್ತಪಡಿಸಿದೆ.<br /> <br /> `ಎಸ್ಐಎಎಂ' ಬಿಡುಗಡೆ ಮಾಡಿದ ಅಂಕಿ-ಅಂಶ ಪ್ರಕಾರ ಮೇ ತಿಂಗಳಲ್ಲಿ 1,43,216 ಕಾರು ಮಾರಾಟವಾಗಿದೆ. 2012ರ ಇದೇ ತಿಂಗಳು 1,63,222 ಕಾರುಗಳು ಮಾರಾಟವಾಗಿದ್ದವು.<br /> <br /> ಈ ಬಾರಿ ಕಾರು ಮಾರಾಟದಲ್ಲಿ ಮಾರುತಿ ಸುಜುಕಿ ಶೇ 8.25, ಟಾಟಾ ಮೋಟಾರ್ಸ್ ಶೇ 48.60ರಷ್ಟು ಕುಸಿತ ಕಂಡಿವೆ. ಹೋಂಡಾ ಕಾರ್ಸ್ ಇಂಡಿಯಾ ಶೇ 9.31ರಷ್ಟು ಮತ್ತು ಹುಂಡೈ ಮೋಟಾರ್ ಇಂಡಿಯಾ ಶೇ 0.35ರಷ್ಟು ಅಲ್ಪ ಪ್ರಮಾಣದ ಏರಿಕೆ ದಾಖಲಿಸಿವೆ.<br /> <br /> `2012ರ ನವೆಂಬರ್ನಿಂದಲೂ ಕಾರುಗಳ ಮಾರಾಟ ಕಡಿಮೆ ಆಗುತ್ತಲೇ ಬರುತ್ತಿದೆ. 2008-09ನೇ ಸಾಲಿನಲ್ಲಿ ಜಾಗತಿಕ ಆರ್ಥಿಕ ಹಿಂಜರಿತ ಇದ್ದ ಸಂದರ್ಭದಲ್ಲಿಯೂ ಇಂಥ ಪರಿಸ್ಥಿತಿ ಎದುರಾಗಿರಲಿಲ್ಲ. ಇದು ದೇಶದ ವಾಹನ ಉದ್ಯಮಕ್ಕೆ ನಿಜಕ್ಕೂ ಚಿಂತೆ ತಂದಿದೆ' ಎಂದು `ಎಸ್ಐಎಎಂ' ಮಹಾ ನಿರ್ದೇಶಕ ವಿಷ್ಣು ಮಾಥುರ್ ಇಲ್ಲಿ ಬುಧವಾರ ಸುದ್ದಿಗಾರರಿಗೆ ಪ್ರತಿಕ್ರಿಯಿಸಿದರು.<br /> <br /> ಒಟ್ಟಾರೆ ಮಂದಗತಿ ಆರ್ಥಿಕ ಪಗ್ರತಿ, ಹಣದುಬ್ಬರ ಮತ್ತು ಬಡ್ಡಿದರ ಗರಿಷ್ಠ ಮಟ್ಟದಲ್ಲಿರುವುದು, ಅದೇ ವೇಳೆ ಗ್ರಾಹಕರ ಖರೀದಿ ಆಸಕ್ತಿ ತಗ್ಗಿರುವುದು, ಜತೆಗೆ ಉದ್ಯೋಗ ಅಭದ್ರತೆ ಭೀತಿಯೂ ಸೇರಿಕೊಂಡು ಕಾರು ಮಾರಾಟ ಕುಸಿಯುವಂತೆ ಮಾಡಿವೆ ಎಂದು ಅವರು ವಿಶ್ಲೇಷಿಸಿದ್ದಾರೆ. 1997-98ರ ಏಪ್ರಿಲ್ನಲ್ಲಿಯೂ ಕಾರು ಮಾರಾಟ ಶೇ 10.43ರಷ್ಟು ಕುಸಿದಿತ್ತು. ಆಗ 1,50,789 ಕಾರು ಮಾರಾಟವಾಗಿದ್ದವು.<br /> <br /> ಮೇ ತಿಂಗಳಲ್ಲಿ 8,81,288 ಮೋಟಾರ್ ಬೈಕ್ ಮಾರಾಟವಾಗಿದ್ದು, ಶೇ 0.72ರಷ್ಟು ಕುಸಿತವಾಗಿದೆ. ಇದೇ ವೇಳೆ ಸ್ಕೂಟರ್ಗಳಿಗೆ ಮಾತ್ರ ಬೇಡಿಕೆ ಹೆಚ್ಚುತ್ತಿದೆ. 2012ರ ಮೇ ತಿಂಗಳಲ್ಲಿ 2.35 ಲಕ್ಷ ಸ್ಕೂಟರ್ ಮಾರಾಟವಾಗಿದ್ದರೆ, 2013ರ ಮೇನಲ್ಲಿ 2.66 ಲಕ್ಷಕ್ಕೇರಿದೆ. ಶೇ 13 ಪ್ರಗತಿ ದಾಖಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
