ಸೊಪ್ಪಿನ ಸಂತೆ

7

ಸೊಪ್ಪಿನ ಸಂತೆ

Published:
Updated:
Deccan Herald

ನಮ್ಮೂರಲ್ಲಿ ಒಂದು ದಿನ
ಸಂತೆ ನಡೆದಿತ್ತು
ರೈತರು ಬೆಳೆದ ಸೊಪ್ಪುಗಳೆಲ್ಲ
ಅಲ್ಲಿಗೆ ಬಂದಿತ್ತು

 

ಘಮಘಮವೆನ್ನುತ ಕೊತ್ತಂಬರಿಯು
ನಾಚುತ ನಿಂತಿತ್ತು
ಸಣ್ಣಿಯ ಹೊಲದ ಅಣ್ಣೇ ಸೊಪ್ಪು
ಕಣ್ ಕಣ್ ಬಿಡುತಿತ್ತು

 

ಅಜ್ಜಿಯು ತಂದ ಅರಿವೆ ಸೊಪ್ಪು
ಗರಿಗರಿಯಾಗಿತ್ತು
ಅಜ್ಜನ ಇಷ್ಟದ ಸಬಾಸ್ಗಿ ಸೊಪ್ಪು
ಸಂಭ್ರಮ ಪಡುತಿತ್ತು

 

ಹಸಿರೆಲೆ ಬಣ್ಣದ ಪಾಲಾಕ್ ಸೊಪ್ಪು
ಮುಸಿಮುಸಿ ನಗುತಿತ್ತು
ನೆಂಟರ ಇಷ್ಟದ ದಂಟಿನ ಸೊಪ್ಪು
ಗಂಟಲಿ ಕಟ್ಟಿತ್ತು

 

ಹುಳಿಹುಳಿ ರುಚಿಯ ಪುಂಡಿ ಸೊಪ್ಪು
ಪುಂಡಾಟ ನಡೆಸಿತ್ತು
ಕರಿ ಹೊಲದಾಗಿನ ಕನ್ನೆ ಸೊಪ್ಪು
ಕನ್ಯೆಯ ಕರೆದಿತ್ತು

 

ಒಗ್ಗರಣೆಗೆ ತಾನಿರಬೇಕೆಂದು
ಕರಿಬೇವದು ಹಠಮಾಡಿತ್ತು
ವರ್ಷಕ್ಕೊಮ್ಮೆ ತಿನ್ನಲಿಕ್ಕೆಂದು
ಕೆಸುವಿನ ಸೊಪ್ಪು ಕೂಗಿತ್ತು

 

ಬಳ್ಳಿಯ ಮೇಲಿನ ಬಸಳೆ ಸೊಪ್ಪು
ಬಿಂಕದಿ ನುಲಿದಿತ್ತು
ಅಧರಕೆ ಕಹಿಯ ಮೆಂತೆ ಸೊಪ್ಪು
ಉದರದ ಸೌಖ್ಯ ಬಯಸಿತ್ತು

 

ಥರಥರ ರುಚಿಯ ಬಗೆಬಗೆ ಸೊಪ್ಪು
ಕಣ್ಣಿಗೆ ಹಬ್ಬವ ನೀಡಿತ್ತು
ಅಪ್ಪನ ಕೂಡಿ ಬೇಗನೆ ಓಡಿ
ಕೊಳ್ಳುವ ಆಸೆಯು ಬಂದಿತ್ತು

 

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !