ಬಾಗಲಕೋಟೆ: ಬಿಸಿಲಿನ ತಾಪದಿಂದ ಕೊಳವೆಬಾವಿಗಳ ನೀರಿನ ಮಟ್ಟ ಕಡಿಮೆಯಾಗಿ ನೀರು ಸರಬರಾಜಿನಲ್ಲಿ ತೊಂದರೆಯಾದರೆ ಕೆಳಕಂಡ ನಂಬರ್‌ಗಳನ್ನು ಸಂಪರ್ಕಿಸಲು ಕೋರಲಾಗಿದೆ.
ನಗರಸಭೆ ಸಹಾಯವಾಣಿ ನಂ.08354-235011, ಕಿರಿಯ ಎಂಜಿನಿಯರ್ ನವೀನ ಖಾಜಿ (97401 02827), ಬಿ.ಎಸ್.ಹಾಲವರ ( 70192 76071) ಹಾಗೂ ಮೇಲ್ವಿಚಾರಕ ಪರಶುರಾಮ ತಳವಾರ (73380 64313) ಸಂಪರ್ಕಿಸಬಹುದು ಎಂದು ನಗರಸಭೆ ಪ್ರಕಟಣೆ ತಿಳಿಸಿದೆ.
ನೀರನ್ನು ಮಿತವಾಗಿ ಬಳಸುವದಲ್ಲದೇ, ನೀರಿನಿಂದ ಸಾಂಕ್ರಾಮಿಕ ರೋಗಗಳು ಹರಡುವ ಸಂಭವವಿರುವದರಿಂದ ನೀರನ್ನು ಕುದಿಸಿ, ಆರಿಸಿ ಕುಡಿಯಬೇಕು. ಹಲವಾರು ಬಾರಿ ಧ್ವನಿವರ್ಧಕ ಮೂಲಕ ಪ್ರಚಾರ ಮಾಡಿದ್ದರೂ ಸಾರ್ವಜನಿಕರು ನೀರನ್ನು ಪೋಲು ಮಾಡುತ್ತಿರುವುದು ಕಂಡು ಬಂದಿದೆ. ಅಂತವರ ವಿರುದ್ದ ದಂಡ ವಿಧಿಸಿ ಅವರ ನಳದ ಜೋಡಣೆ ಬಂದ್ ಮಾಡಲಾಗುವುದು ಎಂದು ತಿಳಿಸಲಾಗಿದೆ.
