ಮುಧೋಳ: ₹17 ಲಕ್ಷಕ್ಕೆ ಮಾರಾಟವಾದ ಜೋಡೆತ್ತು

ಈ ಜೋಡೆತ್ತು 2018 ರಲ್ಲಿ ಅಕ್ಕಿಮರಡಿಯ ರೈತ ಮಲ್ಲಪ್ಪ ಈರಪ್ಪ ಬೋರಡ್ಡಿ ಅವರಿಂದ ₹8 ಲಕ್ಷಕ್ಕೆ ಖರೀದಿಸಿದ್ದ ಸಂಗಪ್ಪ ಅವುಗಳನ್ನು ಚೆನ್ನಾಗಿ ಮೇಯಿಸಿ ಬಹು ಪ್ರೀತಿಯಿಂದ ನೋಡಿಕೊಂಡರು. ಈ ಜೋಡೆತ್ತುಗಳು ಬಾಗಲಕೋಟೆ, ವಿಜಯಪುರ, ಬೆಳಗಾವಿ ಹಾಗೂ ಧಾರವಾಡ ಜಿಲ್ಲೆಗಳಲ್ಲಿ 50ಕ್ಕೂ ಹೆಚ್ಚು ಕಡೆ 48 ತೆರೆಬಂಡಿ ಸ್ಪರ್ಧೆಗಳಲ್ಲಿ ಪ್ರಥಮ ಹಾಗೂ ದ್ವಿತೀಯ ಸ್ಥಾನ ಪಡೆದು ₹9 ಲಕ್ಷ ಆದಾಯ ತಂದುಕೊಟ್ಟಿವೆ.

‘ಈ ಎರಡೂ ಎತ್ತುಗಳಿಗೆ ರಾಮ-ಲಕ್ಷ್ಮಣ ಎಂದು ಹೆಸರಿಟ್ಟಿದ್ದು, ಮನೆಯ ಮಕ್ಕಳಂತೆ ಸಲುಹಿದ್ದೇನೆ. ಹಲವು ಕಡೆ ತೆರೆಬಂಡಿ ಸ್ಪರ್ಧೆಯಲ್ಲಿ ಭಾಗವಹಿಸಿ ಬಹುಮಾನ ತಂದುಕೊಟ್ಟಿವೆ. ಈಗ ನಾನು ಮನೆ ಕಟ್ಟಿಸುತ್ತಿದ್ದು ಹಣದ ಅವಶ್ಯಕತೆ ಇರುವುದರಿಂದ ಅವುಗಳನ್ನು ಮೂಲ ಮಾಲೀಕನಿಗೆ ಮಾರಾಟ ಮಾಡಿದ್ದೇನೆ’ ಎಂದು ಸಂಗಪ್ಪ ಮುಗಳಖೋಡ ಪ್ರತಿಕ್ರಿಯಿಸಿದರು.