‘ನನಗೀಗ 35 ವರ್ಷ ವಯಸ್ಸು. 2004ರಲ್ಲಿ ಹೊಟ್ಟೆ ನೋವು, ಭೇದಿ, ತೂಕ ಕಡಿಮೆಯಾಗಲು ಆರಂಭಿಸಿತು. ರಕ್ತ ಪರೀಕ್ಷೆ ಮಾಡಿಸಿದಾಗ ಎಚ್ಐವಿ ದೃಢಪಟ್ಟಿತ್ತು. ಅದು ಹೇಗೆ ಬಂತು ಎಂಬುದು ನನಗೆ ಗೊತ್ತಾಗಲೇ ಇಲ್ಲ. ಈ ವಿಷಯ ನಮ್ಮ ಮನೆಯವರು, ಸುತ್ತಮುತ್ತಲಿನವರಿಗೆ ಗೊತ್ತಾದ ನಂತರ ನನ್ನನ್ನು ಕೀಳಾಗಿ ಕಂಡರು. ಇದರಿಂದ ಖಿನ್ನತೆಗೆ ಒಳಗಾಗಿ ಆರೋಗ್ಯ ಮತ್ತಷ್ಟು ಹದಗೆಟ್ಟಿತ್ತು. ಕೋಮಾ ಸ್ಥಿತಿಗೆ ಹೋಗಿದ್ದೆ. ಆದರೆ, ನನ್ನ ಅಮ್ಮ ಧೈರ್ಯ ತುಂಬಿ ಆರೈಕೆ ಮಾಡಿದಳು. ವೈದ್ಯರು ಕೂಡ ಉಪಚರಿಸಿದರು. ಅದರ ಪರಿಣಾಮ ಜೀವಂತವಾಗುಳಿದೆ’ ಎಂದು ನೆನಪಿಸಿಕೊಂಡರು.