‘ಹೊಸಕೋಟೆ ತಾಲ್ಲೂಕಿನಲ್ಲಿ ಕಳೆದ ಬಾರಿ 1ರಿಂದ 5 ವರ್ಷದ 23,007 ಮಕ್ಕಳು, 6 ರಿಂದ 19 ವರ್ಷದ 57,736 ಮಕ್ಕಳು, ಶಾಲೆಯಿಂದ ಹೊರಗುಳಿದ 6ರಿಂದ 19 ವರ್ಷದ 893 ಮಕ್ಕಳಿದ್ದು ಒಟ್ಟು 1ರಿಂದ 19 ವರ್ಷದ 81,636 ಮಕ್ಕಳಿಗೂ ಜಂತುಹುಳು ಮಾತ್ರೆ ವಿತರಣೆ ಮಾಡಲಾಗಿತ್ತು. ಜಂತುಹುಳುವಿನಿಂದ ಮಕ್ಕಳಲ್ಲಿ ಅಧಿಕ ರಕ್ತಹೀನತೆ, ಮಾನಸಿಕ ಅಸ್ವಸ್ಥತೆ ಕಂಡು ಬರುವ ಸಾಧ್ಯತೆಗಳು ಹೆಚ್ಚಿದ್ದು ನಿವಾರಣೆಗೆ ಸರ್ಕಾರದಿಂದ ಉಚಿತವಾಗಿ ಮಾತ್ರೆಗಳನ್ನು ವಿತರಣೆ ಮಾಡಲಾಗುತ್ತಿದೆ. ತಾಲ್ಲೂಕಿನಾದ್ಯಂತ ಮೂರು ತಂಡಗಳನ್ನು ಮಾಡಲಾಗಿದ್ದು ಪ್ರತಿ ತಂಡದಲ್ಲಿ ವೈದ್ಯರು, ಸಹಾಯಕರು ಹಾಗೂ ಸಿಬ್ಬಂಧಿ ಇದ್ದು ತಾಲ್ಲೂಕಿನ ಪ್ರತಿಯೊಂದು ಶಾಲಾ ಕಾಲೇಜುಗಳಿಗೆ ಭೇಟಿ ನೀಡಿ ಪ್ರತಿಯೊಂದು ಮಗುವಿಗೂ ನೀಡಲಾಗುತ್ತದೆ’ ಎಂದರು.