ಕುದೂರು(ಮಾಗಡಿ): ‘ಮಾನವ ಪರಿಸರದ ಶಿಸು. ಕಾಡು ಹಸಿರಾಗಿದ್ಧಾಗ ಮಾತ್ರ ಬದುಕು ಹಸನಾಗಲು ಸಾಧ್ಯ’ ಎಂದು ಶಿಕ್ಷಣ ಲರ್ನಿಂಗ್ ಸೆಂಟರ್ನ ಉಪನ್ಯಾಸಕ ಕೆ.ಎಂ.ರಾಮು ತಿಳಿಸಿದರು.
ಇಲ್ಲಿನ ಭೈರವನ ದುರ್ಗದಲ್ಲಿ ಬುಧವಾರ ಗಾಂಧಿ ಜಯಂತಿ ಅಂಗವಾಗಿ ಸಸಿ ನೆಟ್ಟು, ನೀರೆರೆದು ಅವರು ಮಾತನಾಡಿದರು.
‘ಮುಂದಿನ ಭವಿಷ್ಯಕ್ಕಾಗಿ ವಿದ್ಯಾರ್ಥಿಗಳು ಈಗಿನಿಂದಲೆ ಸಸಿ ನೆಟ್ಟು, ನೀರೆರೆದು ಪೋಷಿಸಿ, ಉತ್ತಮ ಪರಿಸರ ಸಂರಕ್ಷಣೆಗೆ ಪಣ ತೊಡಬೇಕು. ಉತ್ತಮ ಪರಿಸರ ಇಲ್ಲದಿದ್ದರೆ, ಮಳೆ ಬೆಳೆಯಾಗುವುದಿಲ್ಲ. ಹಣಿದಿಂದ ಇದನ್ನು ಖರೀದಿಸಲಾಗದು’ ಎಂದರು.
ಕಲಾವಿದ ಆರ್.ಮಹೇಶ್ ಮಾತನಾಡಿ, ‘ಮರ, ಗಿಡಗಳನ್ನು ಕತ್ತರಿಸದೆ, ಸಸಿನೆಟ್ಟು ಬೆಳೆಸಬೇಕು. ಮಳೆಯಿಂದ ಇಳೆ, ಇಳೆಯಿಂದ ಬೆಳೆ, ಬೆಳೆಯಿಂದಲೇ ಮನುಷ್ಯನ ಮುಖದಲ್ಲಿ ಕಳೆ ಮೂಡಲಿದೆ. ಸುತ್ತಲಿನ ಪರಿಸರ ರಕ್ಷಣೆ ಮತ್ತು ಅಭಿವೃದ್ಧಿಗೆ ಎಲ್ಲರೂ ಕೈಜೋಡಿಸಬೇಕು’ ಎಂದರು.